मुंबई | ‘पद्मावत’ या सुपरहिट चित्रपटानंतर दीपिका पदुकोणचे चाहते तिच्या पुढील चित्रपटाची प्रतीक्षा करत आहे.दीपिकाच्या चाहत्यांसाठी आता एक आनंदाची बातमी आहे. दीपिकाने ‘पद्मावत’ नंतर कोणताही चित्रपट साइन केला नव्हता. पण आता तिने दिग्दर्शिका मेघना गुलजारचा चित्रपट साइन केला आहे. दीपिका गुलजारच्या आगामी चित्रपटात अॅसिड हल्ल्यातून बचावलेल्या ‘लक्ष्मी अगरवाल’ची भूमिका साकारणार आहे.
रणवीर सिंगसोबत लग्न करणार असल्याने दीपिकाने कुठलाही प्रोजेक्ट साईन केला नसल्याचे सांगितले गेले होते. पण आता दीपिकाचा हा नवा चित्रपट लवकरच प्रेक्षकांच्या भेटीस येणार आहे. या चित्रपटात दीपिका केवळ लीड रोल साकारणार नसून हा चित्रपट ती प्रोड्यूस देखील करते आहे. अभिनयात दमदार कामगिरी केल्यानंतर दीपिकाने आता निर्मिती क्षेत्रातही पाऊल ठेवले आहे. मेघना गुलजार या त्यांच्या ‘राजी’, ‘तलवार’ अशा दमदार चित्रपटांसाठी ओळखली जाते. मेघना ‘राजी’नंतर अॅसिड हल्ल्यासारख्या संवेदनशील मुद्यावर चित्रपट घेऊन येत आहेत.
IT'S OFFICIAL… After #Padmaavat, Deepika Padukone teams up with #Raazi director Meghna Gulzar… Deepika will portray the part of an acid attack survivor in the film.
— taran adarsh (@taran_adarsh) October 5, 2018
दिल्लीच्या गरीब कुटुंबातील लक्ष्मीला तिच्या मैत्रिणीच्या भावाने मागणी घातली होती. परंतु तिच्याकडून नकार मिळाल्यावर त्याने अॅसिड फेकून तिचा चेहरा विद्रूप केला होता. लक्ष्मी अगरवालने अॅसिड हल्ल्याशी झुंज दिलीच पण आता ती अॅसिड हल्ल्यातील पिडीतांसाठी देखील काम करत आहे. २०१४ मध्ये लक्ष्मीला ‘इंटरनॅशल विमेन ऑफ करेज अवॉर्ड’ने सन्मानित करण्यात आले होते. फेब्रुवारी २०१९ मध्ये या चित्रपटाच्या चित्रिकरणाला सुरूवात होणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
