तनुश्री दत्ताला नानांनी बजावली कायदेशीर नोटीस

मुंबई | “मला काल २ कायदेशीर नोटीस मिळाल्या. त्यातली एक नोटीस नाना पाटेकर व दुसरे विवेक अग्निहोत्री यांनी पाठवली. शोषणा विरोधात आवाज उठवण्याची ही किंमत मला मोजावी लागत आहे. अश्या प्रकारे मला माझ्याच देशामध्ये अन्याय सहन करावा लागत आहे.” अश्या प्रकारची माहिती काल तनुश्रीने दिली. पुढे ती असेही म्हणाली,” काल दुपारच्यावेळी माझ्या सुरक्षेसाठी तैनात असणारे पोलीस लंचब्रेकला गेले असताना. दोन अज्ञात व्यक्तींनी माझ्या घरात घुसण्याचा प्रयत्न केला. पण माझ्या सुरक्षा रक्षकांनी त्यांचा प्रयत्न हाणून पाडला.”

मनसेनेही मला धमकी दिली. अश्या प्रकारे मला आता कोर्टात खेचले जात आहे. मी खर बोलल्याची किंमत मला मोजावी लागत आहे. अशा प्रकारे मला कमकुवत करण्याचा प्रयत्न करत आहे. अशा घटनांच्या बाबतीत कोर्टात फक्त तारखा दिल्या जातात . कोर्टामध्ये खोटे साक्षीदार उभे केले जातात.पीडित व्यक्तींना न्याय मिळवण्यासाठी झगडत राहावे लागते. अश्या प्रकारे पीडितांचे खच्चीकरणं होते आणि न्याय मिळण्याची आशा संपते. दहा वर्षाआधी देखील मला अश्याच प्रकारे संघर्ष करावा लागला होता. त्यामळे मी देशाबाहेर निघून गेली. आता परत आल्यानंतर ही मला सहन करावे लागत आहे. त्यामळे माझे नवे आयुष्यही खराब होईल.

तसेच तनुश्रीने नाना पाटेकरांसोबत चॉकलेट सिनेमाचे दिग्दर्शक विवेक अग्निहोत्री यांच्यावर देखील गैरवर्तवणुकीचा आरोप केला आहे. “चॉकलेट-डीप डार्क सिक्रेट” या सिनेमाच्या सेटवर विवेक अग्निहोत्रीयांनी ही गैरवर्तुणूक केल्याचे सांगितले. सिनेमाच्या चित्रीकरणादरम्यान दिग्दर्शकाने कोणतीही पूर्व कल्पना न देता मला संपूर्ण कपडे काडून डान्स करण्यास सांगितले. पण त्यावेळी सुनील शेट्टी व इरफान खान यांनी मला सांभाळून घेतले.असे ही तनुश्रीने सांगितले.