मुंबई | मुंबई महापलिकेतील नगरसेवकांच्या कामगिरीचे प्रगतिपुस्तक ‘प्रजा फाऊंडेशन’ने जाहीर केले. मार्च २०१७ ते मार्च २०१८ या कालावधीतील नगरसेवकांच्या कामगिरीवर हे प्रगतीपुस्तक तयार करण्यात आलं आहे. यामध्ये पहिल्या तीन क्रमांकांमध्ये नगरसेविकाच झळकल्या आहेत. शिवसेनेच्या नगरसेविका किशोरी पेडणेकर यांनी पहिला तर काँग्रेसच्या श्वेता कोरगावकर दुसरा क्रमांक आणि तिसरा क्रमांक भाजपाच्या प्रिती सातम यांनी पटकावला आहे. तर काँग्रेस पक्ष हा महापालिकेतील सर्वोकृष्ट पक्ष ठरला आहे.
मुंबई महापालिकेच्या २०१७च्या सार्वत्रिक निवडणुकीत निवडून आलेल्या सर्व नवीन नगरसेवकांचे पहिले प्रगतीपुस्तक ‘प्रजा फाऊंडेशन’च्यावतीने प्रसिध्द करण्यात आले. ‘प्रजा फाऊंडेशन’चे व्यवस्थापकीय विश्वस्त निताई मेहता व संचालक मिलिंद म्हस्के यांनी मुंबई प्रेस क्लबमध्ये आयोजित पत्रकार परिषदेत प्रसिध्द केलेल्या प्रगतीपुस्तकामध्ये पहिल्या आर्थिक वर्षांत चांगल्या प्रकारची कामगिरी करणार्‍या नगरसेवकांची दखल घेण्यात आली. यामध्ये पहिल्या तीन क्रमांकामध्ये नगरसेविकांनी बाजी मारली आहे.
यामध्ये शिवसेना नगरसेविका किशोरी पेडणेकर (८१.५८ टक्के), काँग्रेसच्या बोरीवली येथील नगरसेविका श्वेता कोरगावकर (७९.२२ टक्के) आणि भाजपाच्या गोरेगाव येथील प्रीती सातम (७९.१२ टक्के) यांचा समावेश आहे. तर एमआयएमचे शाहनवाज शेख यांची कामगिरी सर्वांत निकृष्ट ठरली आहे. शेख यांना (२७.८० टक्के) गुण मिळाले. त्याखालोखाल भाजपाच्या केशरबेन पटेल (३३.१९टक्के) आणि सपाच्या गुलनाझ कुरेशी (३३.५६ टक्के) यांना सर्वांत कमी गुण मिळाले आहे. मुंबईत नगरसेवकांनी बजावलेल्या कामगिरीनुसार क्रमवारी देण्यात आली आहे. त्यासाठी पालिका व समिती बैठकीला असलेली त्यांची हजेरी, सर्व महापालिका बैठकांमध्ये त्यांनी विचारलेले एकूण प्रश्न, अर्थसंकल्पाचा वापर, शैक्षणिक पात्रता, आयकर विषयक अहवाल, मतदार संघात असलेली त्यांची प्रतिमा आणि मतप्रवाह यासर्वांचा आधारे हा क्रम ठरवण्यात आल्याचे प्रजाचे संचालक मिलिंद म्हस्के यांनी स्पष्ट केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
