मुंबई | हातमागाच्या कलेत हातखंडा असलेल्या कुशल कारागिरांना हक्काचं व्यासपीठ मिळवून देणाऱ्या आर्ट एक्स्पो संस्थेच्या प्रदर्शनाच्या पहिल्या दिवसाला उत्साहात प्रारंभ झाला. हातमाग कलेत निपुण असणाऱ्या या कारागिरांच्या कलेला जागतिक स्पर्धेत उतरवण्याच्या हेतूने दरवर्षी हा प्रदर्शन सोहळा आयोजित केला जातो.यावर्षीचे प्रदर्शन जुहू येथील कमला रहेजा कॉलेजमधील ‘किशनचंद वालेचा’ सभागृहात ठेवण्यात आले असून आणखी तीन दिवस इथे हे प्रदर्शन असणार आहे.
विशेष म्हणजे पहिल्याच दिवशी प्रसिद्ध अभिनेत्री ’श्रेया बुगडे’ हिच्या शुभहस्ते कार्यक्रमाचे उद्घाटन झाल्याने प्रदर्शनाची शोभा दुपटीने वाढली. या कलाप्रदर्शनात सादर केलेल्या प्रत्येक वस्तुमध्ये वैविध्य पहायला मिळालं असून माझ्यासाठी ही भेट पर्वणीच ठरली असल्याचं ती म्हणाली. आपल्या भारतात रुजलेल्या हातमागाच्या या पारंपारिक कलेला वाव मिळावा यासाठी प्रत्येकानेच प्रयत्नशील राहण्याची गरज आहे, असे सांगत अभिनेत्री श्रेयाने या प्रदर्शनाला मनापासून शुभेच्छा दिल्या.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
