मुंबई | परळमधील क्रिस्टल टॉवरमध्ये लागलेल्या भीषण आगीत अडकलेल्या नागरिकांचे प्राण वाचवणाऱ्या अग्निशमन दलाच्या धाडसी अधिकारी सुनीता पाटील (सहाय्यक केंद्र अधिकारी,अग्निशमन) यांचा भायखळा राष्ट्रवादी तर्फे सत्कार करण्यात आला. सुनीता शिंदे-महाराष्ट्र सचिव राष्ट्रवादी महिला मुंबई अध्यक्ष सुरेखा पेडणेकर व राष्ट्रवादीच्या भायखळा महिला तालुका अध्यक्षा चंदना साळुंके यांच्या हस्ते सुनीता पाटील यांना शाल, श्रीफळ आणि पुष्पगुच्छ देऊन सत्कार करण्यात आला.
परळमधील क्रिस्टल टॉवरमध्ये लागलेल्या आगीत सुनीता पाटील यांनी स्वतःच्या प्राणाची पर्वा न करता स्वतः इमारतीत शिरत १७ जणांचे प्राण वाचवले आहेत. विशेषबाब म्हणजे यामध्ये तीन गरोदर महिलांचाही समावेश आहे. त्यांच्या धाडसाचे कौतुक करण्यासाठी भायखळा पश्चिम येथील ‘मुंबई अग्निशमन दल मुख्यालय व भायखळा प्रादेशिक समादेश केंद्र’ येथे भायखळा राष्ट्रवादी महिला पदाधिकारी आणि कार्यकर्त्यांनी त्यांना सन्मानित केले आहे. यावेळी सुनंदा देठे, नंदा जाधव,सरला खळदकर,सुप्रिया जाधव आणि मोठ्या प्रमाणात कार्यकर्ता उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
