मुंबई | भाजपचे ज्येष्ठ नेते आणि देशाचे माजी पंतप्रधान अटल बिहारी यांचे आज दिर्घ आजाराने निधन झाले. वाजपेयी केवळ राजकारणा पुरतेच मर्यादित नव्हते तर कवी मनाचे लेखक म्हणून देखील त्यांची जनमाणसात वेगळी ओळख होती. वाजपेयींच्या निधनाने देश शोकसागरात बुडाला आहे.
आज त्यांच्या पार्थिवावर अंत्यसंस्कार करण्यात येणार आहेत. त्यांच्या निधनानंतर देशात सात दिवसांचा राष्ट्रीय दुखवटा जाहीर करण्यात आला आहे. देशभरातून त्यांना श्रद्धांजली वाहण्यात येत आहे. अशातच नेहमी उजेडात झगमगणारे मुंबईतील छत्रपती शिवाजी महाराज टर्मिनलच्या इमारतीत काल रात्री शांत पाहायला मिळाली.
अटल बिहारी वाजपेयींना श्रद्धांजली देण्यासाठी रेल्वे प्रशासनाने ऐतिहासिक वारसा असलेल्या ‘सीएसएमटी’ स्थानकाच्या इमारतीवरचा झगमगाट बंद ठेवण्याचा निर्णय घेतला. त्यानुसार गुरुवारी रात्री ‘सीएसएमटी’च्या इमारतीचे दिवे मालवून शांत ठेवण्यात आली होती. त्यामुळे रात्रीच्या वेळी दिव्यांच्या प्रकाशात आपल्या वेगळ्याच सौंदर्याने खुलून दिसणारी ही इमारत गुरुवारी निस्तेज झाली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
