मुंबई | लोहमार्गावरील सिग्नल यंत्रणेच्या कामकाजासाठी मध्य, हार्बर आणि पश्चिम मार्गावर रविवारी मेगाब्लॉक घेण्यात येणार आहे. मध्य रेल्वेच्या विद्याविहार ते भायखळा या अप धीम्या मार्गावर सकाळी ११.२० वाजल्यापासून दुपारी ४.२० वाजेपर्यंत हा मेगाब्लॉक घेण्यात येणार आहे. यावेळी अप धीम्या मार्गावरील सेवा विद्याविहार, करीरोड आणि चिंचपोकळी स्थानकांवर उपलब्ध राहणार नाही.या मार्गावरील प्रवाशांनी व्हाया घाटकोपर, कुर्ला, परळ आणि भायखळा स्टेशनांवरून यात्रा करावी, असे आवाहन मध्य रेल्वेने केले आहे.
तसेच हार्बर मार्गावरील कुर्ला-वाशी स्थानकांदरम्यान अप आणि डाऊन मार्गावर सकाळी ११.१० ते दुपारी ४.१० वाजेपर्यंत मेगाब्लॉक घेण्यात आला आहे. या ब्लॉकदरम्यान सीएसएमटी ते कुर्ला आणि वाशी-पनवेल मार्गावर विशेष लोकल चालवण्यात येतील हार्बरवरील प्रवाशांनी सकाळी १० ते सायंकाळी ४ वाजेपर्यंत ट्रान्स हार्बर, मेन लाईनवरून प्रवास करावा असे आवाहन करण्यात आले आहे.
पश्चिम रेल्वे मार्गावरील माटुंगा रोड आणि मुंबई सेंट्रल स्थानकांदरम्यान जलद मार्गावर जम्बो ब्लॉक घेण्यात आला आहे. सकाळी १०.३५ ते दुपारी २.३५ वाजेपर्यंत माटुंगा आणि मुंबई सेंट्रल स्थानकांवर अप आणि डाऊन जलद मार्गावर हा जम्बो ब्लॉक घेण्यात आला आहे. जलद मार्गावरील सर्व लोकल सांताक्रुझ आणि मुंबई सेंट्रल स्थानकांवरील धीम्या मार्गावर चालवण्यात येणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
