घाटकोपर | घाटकोपरमध्ये गुरुवारी झालेल्या चार्टर्ड विमान अपघातात वैमानिकासह ५ जणांचा मृत्यू झाला. दरम्यान अपघात ज्या ठिकाणी झाला त्या ठिकाणी उपस्थित असलेल्या एका पादचा-याचा मृत्यू झाला तर २ जण जखमी झाले. अचानक झालेल्या अपघातामुळे परीसरातील लोकांमध्ये प्रचंड भीतीचे वातावरण निर्माण झाले होते.
या दुर्घटनेत जखमी झालेल्या दोन युवकांशी प्रसार माध्यमांच्या प्रतिनिधींनी संवाद साधला तेव्हा त्यानी सविस्तर घटनेची माहिती दिली आहे. जखमी झालेले नरेशकुमार निशाद म्हणाले, मी मूळचा छत्तीसगडचा रहिवाशी असून घोटकोपर येथील एमटीएनएल येथे राहतो. पत्नीसह दुर्घटना घडलेल्या घटनास्थळी कामगार असल्यामुळे गुरुवारी या ठिकाणी उपस्थित होतो. घटना घडली त्यावेळी जेवणाची वेळ झाल्याने सर्व कामगार जेवायला तळघरात गेले होते. यावेळी ६० ते ७० कामगार घटनास्थळी हजर होते. अचानक समोरून विमान माझ्या दिशेने येताना दिसल्याने मी तिथून उडी घेतली मात्र स्फोट झाल्याने आगीचालोळ माझ्या चेहऱ्यावर आला त्यात मी जखमी झाले अशी महिती नरेशकुमार यांनी दिली. त्यानंतर प्रचंड आवाज झाल्याने तळघरातील कामगार वर आले. नरेशकुमार यांचे मामा कौशल यांनी त्याला रुग्णालयात दाखल केले.
नरेशकुमार यांच्यासह जखमी झालेला दुसरा व्यक्ती लवकुश कुमार हा तो मूळचा इलाहाबादचा रहिवाशी आहे. दुर्घटना घडली त्यावेळी मी जेवणासाठी तळघरात जात होतो. त्यावेळी समोरून विमान येत असताना दिसल्याचे लवकुश कुमार याने सांगितले. त्यावेळी तळमजल्याच्या दिशेने धावत असताना पडल्याने जखमी झाल्याचे त्याने सांगितले. त्याच्या पायाला जखम झाली आहे. घटनेनंतर थोड्या वेळात या दोघांवर औषध उपचार करण्यात आले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
