मुंबई | राज्य शासनाच्या कामगार, पणन व सहकार, उद्योग व अन्य खात्याअंतर्गत माथाडी कामगारांशी संबंधित प्रलंबित मागण्यांसाठी सोमवारपासून माथाडी कामगारांनी बेमुदत उपोषण करण्याचा इशारा दिला आहे. आज आझाद मैदान येथे माथाडी, ट्रान्सपोर्ट व जनरल कामगार युनियनचे नेते नरेंद्र पाटील यांनी बेमुदत उपोषण पुकारले आहे. माथाडी बोर्डाच्या टोळीचे मुकादम आणि उपमुकादम व कार्यकर्त्यांच्या नवी मुंबई येथील बैठकीत हा निर्णय घेण्यात आला होता. अनुभवी प्रमुख कामगार नेत्यांना समितीवर सदस्य म्हणून नेमून माथाडी कामगारांसाठी सल्लागार समितीची पुनर्रचना करावी ही मागणी शासनाकडे अद्याप प्रलंबित आहे.
शासनाने राज्यातील ३६ माथाडी मंडळांचे एकच माथाडी मंडळ करण्याच्या घोषणेला सर्वच माथाडी कामगार संघटनांनी कडाडून विरोध केला होता. आश्वासन देणाऱ्या सरकारने अद्याप एकच मंडळ करण्याचा निर्णय डावलला नसल्यामुळे कामगार संघटनांमधून तीव्र नाराजी व्यक्त करत उपोषणाचा निर्णय घेतला आहे. माथाडी मंडळाच्या कार्यालयीन सेवेत कामगारांच्या मुलांना प्राधान्य द्यावे तसेच शासनाने लवकरच माथाडी कामगारांचे प्रश्न सोडवून मंडळावर पूर्णवेळ अध्यक्ष व सचिवाची नेमणूक करावी . माथाडी कायदा व कामगारांचे हित डावलणारे निर्णय रद्द केले नाही, तर आंदोलन अधिक तीव्र करण्याचा इशाराही दिला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
भाजपच्या ‘आश्वासनाचा फुगा’ जनताच फोडेल