नवी दिल्ली | गुगल हे नेहमीच सण, आंतरराष्ट्रीय दिन आणि महान व्यक्तींवर खास डुडल तयार करून त्यांच्या कामाला सलाम करत असते. भारताचे पहिले पंतप्रधान पंडित जवाहरलाल नेहरु यांचा जन्मदिवस हा बालदिन म्हणून साजरा केला. यानिमित्ताने गुगलने बच्चे कंपनीला डुडलच्या माध्यमातून खास शुभेच्छा दिल्या आहेत. गूगलच्या डूडलमध्ये बालकांमधील संशोधकजिज्ञासू वृत्ती दाखवली आहे. यात एक मुलगी टेलिस्‍कोपद्वारे अंतराळात बघत आहे. तिला ग्रह, आकाशगंगा आणि अवकाशयान दिसत आहे.
बालदिनी बनविण्यात आलेले गुगलचे हे खास मराठी मुलीने बनविले आहे. गुगल डुडलच्या राष्ट्रीय स्पर्धेची विजेती ठरलेल्या पिंगला राहुल मोरे या विद्यार्थिनीने हे डुडल साकारले आहे. गुगलच्या वतीने स्पर्धा घेण्यात आली होती. या स्पर्धेत ‘मला प्रेरणा देणारी गोष्ट’ हा विषय डुडल बनवण्यासाठी देण्यात आला होता. देशभरातील तब्बल ७५ हजार विद्यार्थी या स्पर्धेत सहभागी झाले होते.त्या विद्यार्थ्यांपैकी मुंबईतील जे.बी वाच्छा शाळेत शिकणाऱ्या पिंगला राहुल मोरे या विद्यार्थिनीने प्रथम पारितोषिक पटकावले आणि तिने साकारलेले डुडल गुगलच्या होमपेजवर बालदिनानिमित्त झळकले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
