पुणे: भूमाता रणरागिणी ब्रिगेडच्या नेत्या तृप्ती देसाई आणि त्यांच्या पतीविरोधात हिंजवडी पोलीस स्टेशनमध्ये अ‍ॅट्रॉसिटीचा गुन्हा दाखल करण्यात आला आहे. तृप्ती देसाई आणि त्यांच्या पतीविरोधात एका व्यक्तीला मारहाण करुन त्याच्याकडून पैसे उकळल्याचा आरोप आहे. २७ जून २०१७ रोजी सकाळी साडे अकरा वाजता बालेवाडी येथील व्हिनस ग्रॅनाईडजवळ होंडा अमेज गाडीतून तृप्ती देसाई यांच्यासोबत जात होतो. तेव्हा प्रशांत देसाई, सतीश देसाई, कांतीलाल गवारे आणि इतर दोघांनी अर्टिगा गाडीतून येऊन अमेझ गाडीसमोर अर्टिगा आडवी घातली. यानंतर गाडी थांबवायला सांगून तृप्ती देसाईसह सर्वांनी लाकडी दांडक्याने आणि लोखंडी रॉडने मारहाण केली, असे विजय मकासरे यांनी सांगितले. यानंतर प्रशांत देसाई यांनी गळ्यातील सव्वा तोळ्याची सोन्याची चैन आणि २७ हजार रुपये काढून घेतले. तसेच तृप्ती देसाई यांनी आमच्याविरोधात गेलास तर तुज्यावर खोटे गुन्हे दाखल करेन, अशी धमकी दिली आणि जातीवाचक शब्दांचा वापर केला, असा आरोप विजय मकासरे यांनी केला आहे. याप्रकरणी हिंजवडी पोलिस ठाण्यात तृप्ती देसाई आणि प्रशांत देसाई यांच्याविरोधात अ‍ॅट्रॉसिटी, रस्ता अडवणे, मारहाण करणे, धमकी देणे असे गुन्हे दाखल करण्यात आले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
