नवी दिल्ली भारतीय बँकांकडून कोट्यवधींचे कर्ज घेऊन फरार झालेल्या विजय मल्ल्याने हा पैसा बोगस कंपन्यांमध्ये गुंतवल्याची माहिती समोर आली आहे. मल्ल्याने एसबीआयच्या नेतृत्त्वाखालील बँक समूहाकडून ६ हजार कोटींचे कर्ज घेतले होते. यातील बहुतांश पैसा माल्ल्याने बोगस कंपन्यांकडे वळवल्याची माहिती सीबीआय आणि ‘ईडी’च्या तपासातून पुढे आली आहे. त्यामुळे आता सीबीआय आणि ईडीकडून मल्ल्याविरोधात नवे आरोपपत्र दाखल करण्यात येणार आहे.
विजय मल्ल्याने एसबीआयकडून ६ हजार कोटींचे कर्ज घेतले होते. यातील बहुतांश रक्कम त्याने जवळपास सात देशांमधील बोगस कंपन्यांमध्ये वळवली होती. याआधी माल्ल्याने आयडीबीआयकडून घेतलेल्या ९०० कोटींच्या कर्जाप्रकरणी त्याच्याविरोधात पहिले आरोपपत्र दाखल करण्यात आले. मात्र, आता तब्बल ६ हजार कोटींच्या कर्ज प्रकरणात त्याच्याविरोधात आरोपपत्र दाखल केले जाणार आहे. मल्ल्याच्या प्रत्यार्पण प्रक्रियेत या आरोपपत्रांची मोठी मदत भारताला होऊ शकते. मल्ल्याच्या प्रत्यार्पण प्रकरणी ब्रिटनच्या वेस्टमिन्स्टर न्यायालयात सध्या खटला सुरु आहे.
‘एसबीआय’कडून घेतलेले ६ हजार कोटी रुपये बोगस कंपन्यांमध्ये गुंतवल्याप्रकरणी मल्ल्याविरोधात आरोपपत्र दाखल करण्यात येणार असल्याची माहिती एका वरिष्ठ अधिकाऱ्याने दिली. ‘बँकांनी किंगफिशर एअरलाईन्सला जे कर्ज दिले होते, तो पैसा मल्ल्या आणि त्याच्या सहकाऱ्यांनी बोगस कंपन्यांमध्ये वळवला. याबद्दल अमेरिका,ब्रिटन, फ्रान्स आणि आयर्लंडशी पत्रव्यवहार करण्यात आला आहे. या देशांकडून लवकरच उत्तर मिळेल,’ असेही या अधिकाऱ्याने सांगितले. पैशांच्या कथित अपहार प्रकरणाच्या चौकशीसाठी विजय मल्ल्याला भारतात येण्याच्या सूचना करण्यात आल्या आहेत. एसबीआयच्या नेतृत्त्वाखाली जवळपास १२ हून अधिक बँकांनी २००५ ते २०१० या काळात मल्ल्याच्या किंगफिंशर एअरलाईन्सला हे कर्ज दिले होते. हे कर्ज आणि त्यावरील व्याजाचा विचार केल्यास ही रक्कम ९ हजार कोटींवर जाते. कर्जाची परतफेड न केल्याप्रकरणी मल्ल्याविरोधात मागील वर्षी गुन्हा दाखल करण्यात आला होता.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
मुंबईः ज्येष्ठ साहित्यिक, समीक्षक आणि पत्रकार अरुण साधू यांचे सोमवारी पहाटे मुंबईत निधन झाले. ते ७५ वर्षांचे होते. वयोमानामुळे गेल्या काही दिवसांपासून साधू यांची प्रकृती खालावली होती. त्यांना श्वसनाचा त्रास जाणवत होता. त्रास वाढत गेल्याने काल सकाळी त्यांना मुंबईतील सायन रुग्णालयात दाखल करण्यात आले होते. अतिदक्षता विभागात त्यांच्यावर उपचार सुरू होते. उपचारादरम्यान अखेर आज पहाटे साडेचार वाजता त्यांची प्राणज्योत मालवली. साधू यांचे पार्थिव वांद्रा येथील त्यांच्या राहत्या घरी नेण्यात येणार असून तिथेच अंत्यदर्शनासाठी ठेवण्यात येणार आहे. त्यांनी देहदान करण्याचा निर्णय घेतला असल्याने त्यानुसार पुढील सोपस्कार पार पाडले जाणार आहेत. साधू यांच्या निधनामुळे पत्रकारिता, साहित्य व सामाजिक क्षेत्रातील एक मोठे नाव काळाच्या पडद्याआड गेले आहे.