मुंबई । एका आठवड्या आधी वडाळ्यात शौचालयात जास्त वेळ बसण्यावरून फुलचंद यादव या वृध्दाची हत्या केल्याची घटना ताजी असताना. आता अंधेरीच्या साकीनाका परिसरात पुन्हा अशीच एक आणखी घटना घडली आहे. शौचालयाचा दरवाजा ठोठावल्याच्या कारणातून झालेल्या हाणामारीत एकाचा बळी गेल्याची धक्कादायक घटना शनिवारी घडली आहे. गणेश किर्लोस्कर असे मृत तरुणाचे नाव असून साकीनाका पोलिसांनी याप्रकरणी प्रविण गावडे याला अटक केली आहे.
साकीनाका येथील तानाजी नगर-सफेद पूल परिसरात राहणारा गणेश किर्लोस्कर शनिवारी दुपारी येथील सार्वजनिक शौचालयामध्ये शौचास बसला होता. यावेळी प्रविण गावडे याच्या पुतण्याने बाहेरून दरवाजा ठोठावला. दरवाजा ठोठावला म्हणून संतापलेल्या गणेशने बाहेर येऊन गावडे याच्या पुतण्याच्या कानाखाली मारली. पुतण्याला का मारले असे विचारत प्रवीण गणेशच्या अंगावर धावून गेला. यावेळी दोघांमध्ये हाणामारी झाली. प्रवीणने लाथाबुक्क्यांनी केलेल्या मारहाणीत गणेशचा मृत्यू झाला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
