देशाला मजबूत करण्यासाठी भारतीय नौदलाची विशेष भूमिका आहे. ४ डिसेंबर रोजी नेव्ही डे साजरा केला जातो. १९७१ च्या युद्धाच्या वेळी भारतीय नौदलाने पाकिस्तानी नौदलावर केलेल्या जोरदार हल्ल्यामुळे हा दिवस खास मानला जातो. सध्या भारतीय नौदलाला जगातील पाचव्या क्रमांकाचे मोठे सैन्य म्हणून पाहिले जाते. या विशेष दिवशी भारतीय सैन्याची ही खासियत जाणून घ्या आणि भारतीय नौदल पाकीस्तानच्या तुलनेत किती शक्तीशाली आहे हे वाचा सविस्तर …
भारतीय नौसेना नामकरण
इतिहास पाहिला तर भारतीय नौदलाची सुरुवात १६१२ मध्ये झाल्याचे लक्षात येते. इंग्रजांनी त्यांच्या जहाजाच्या संरक्षणासाठी कंपनी मरीन म्हणून सैन्याची तुकडी तयार केली होती. नंतर नामांतर करुन रॉयल इंडियन नेव्ही असे या तुकडीचे नाव ठेवण्यात आले. भारत स्वतंत्र झाल्यानंतर रॉयल इंडियन नेव्हीची २६ जानेवारी १९५० ला पुनर्चना करण्यात आली. त्यानंतर भारतीय नौसेना असे नामकरण करण्यात आले.
पाकिस्तानचा पराभव
४ डिसेंबर १९७१ पासून भारतीय नौदल दिवस साजरा करण्यास सुरुवात झाली. १९७१ मध्ये भारत-पाकिस्तान युद्धादरम्यान, भारतीय नौदलाने ऑपरेशन ट्रॉइडेंट लॉन्च करुन पाकिस्तानच्या कराची हार्बरचा नाश केला. हे पाकिस्तान नेव्हीचे मुख्यालय होते. अशा प्रकारे भारतीय नौदलाच्या या हल्ल्याने पाकिस्तान सैन्य कमकुवत झाले आणि हे युद्ध हरले.
भारतीय नौदल प्रचंड शक्तिशाली
भारतीय नौदलाला जगातील पाचव्या क्रमांकाचे मोठे नौसेना मानले जाते. सध्या ७८,००० पेक्षा जास्त सैनिक आहेत. विशेष गोष्ट अशी आहे की आजही ब-याच वर्षांनंतर भारतीय नौसेनाकडे पाकिस्तानच्या नेव्हीवर दबाव निर्माण करण्याची क्षमता आहे. भारतीयनौदल काही मिनिटांत पाकिस्तानच्या नौदलाचा करू शकते. पाकिस्तानी पेक्षा भारतीय नौदल अधिक शक्तिशाली आहे.
भारतीय नौसेना
प्राप्त झालेल्या आकडेवारीनुसार भारतीय नौदलात २९५ जहाजे आहेत. विमान वाहक ३ जहाजे, युद्ध जहाजे १४, विध्वंसक ११, लढाऊ जल जहाजे २३, पानबुडी १५, पेट्रोल क्राफ्ट १३९ आणि युद्ध नौका 6 आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
