आशियाचा नोबेल म्हणून ओळखला जाणारा मॅगसेसे पुरस्कार मनिला येथील द रॅमन मॅगसेसे अॅवॉर्ड फाउंडेशन तर्फे दरवर्षी देण्यात येतो. फिलिपाईन्सचे राष्ट्रपती रॅमन मॅगसेसे यांचे १९५७ मध्ये एका विमान अपघातात निधन झाले. त्यानंतर त्यांच्या नावाने पुरस्कार देण्यास सुरुवात झाली. दर वर्षी ३१ ऑगस्ट रोजी राजधानी मनिलामध्ये हे पुरस्कार दिले जातात.
यंदाचा हा पुरस्कार भारतासाठी अत्यंत महत्वपुर्ण ठरला. आशियातील नोबेल पुरस्कार मानल्या जाणा-या ‘द रॅमन मॅगसेसे’ पुरस्काराची घोषणा करण्यात आल्यानंतर भारतीयांसाठी अत्यंत आनंदाची घटना होती कारण यंदाच्या विजेत्यांमध्ये दोन भारतीयांचा समावेश होता. या आधी देखील अनेकदा भारतीयांना हा पुरस्कार मिळाला आहे. यंदाच्या पुरस्कारामध्ये मानसिक रुग्णांवर उपचार करणारे डॉ.भारत वटवानी आणि शिक्षण क्षेत्रात अनोखे काम करणारे सोनम वांगचुक या दोघांची या प्रतिष्ठीत पुरस्कारासाठी निवड करण्यात आली .
रस्त्यावर भीक मागणाऱ्या हजारो मानसिक रुग्णांवर उपचार करुन त्यांची काळजी घेणा-या आणि उपचारानंतर रुग्णांना त्यांच्या कुटुंबियांना भेटवणारे डॉ. भरत वटवानी यांना हा पुरस्कार दिला गेला. तर पर्यावरण, संस्कृती आणि शिक्षण यांच्या माध्यमातून मुलांच्या प्रगतीसाठी काम करणारे सोनम वांगचुक यांचा देखील यंदाच्या पुरस्कार विजेत्यांमध्ये समावेश आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
