मुंबई | रोजच्या धकाधकीच्या जीवनापासून दूर कधीतरी स्वतः साठी थोडा वेळ काढून जीवनाचा आनंद घेता यावा यासाठी ट्रेकिंग हा the best’ उपाय मानला जातो. ट्रेकिंगमुळे आपल्याला निसर्गाच्या सानिध्यात राहता येते ज्याचा फायदा आपल्या आरोग्यावर होतो. यासाठीच BWNA ही संस्था महिन्यातून कमीत कमी एकदा तरी शहराच्या प्रदूषण युक्त वातावरणापासून दूर एखाद्या निसर्गरम्य ठिकाणी ट्रेक ठेवते. जन सामान्यांमध्ये निसर्ग, पर्यावरण आणि भटकंती याविषयी आवड निर्माण व्हावी म्हणून या संस्थेची स्थापना १९९१ मध्ये करण्यात आली आहे. याचे रूपांतर नंतर विद्यार्थ्यांसाठी खास निसर्ग साहस शिबीर आयोजित करण्यामध्ये झाले. शिबिराच्या माध्यमातून BWNA ट्रेकिंग, climbing, rappeling, valley crossing, jumaring इत्यादी असे अनेक साहसी उपक्रम विद्यार्थ्यांना शिकवतात. गेली १५ वर्षे अशा शिबिराच्या माध्यमातून विद्यार्थ्यांमध्ये निसर्गाची गोडी निमार्ण व्हावी आणि त्याच बरोबर त्यांच्या सर्वांगीण विकासासाठी मदत व्हावी म्हणून निरनिराळ्या उपक्रमांची जोड देत आहेत.
सामाजिक संस्थेच्या माध्यमातून काम करत असताना अशा शिबिरांमार्फत विद्यार्थ्यांना एक आदर्श नागरिक म्हणून समाजात वावरता यावे हेच या शिबिराचे मुख्य उद्दिष्ट असते. गेल्या १६ वर्षांपासून संस्थेच्या माध्यमातून १५ ऑगस्ट आणि २६ जानेवारी हे आपले राष्ट्रीय सण वेगवेगळ्या गडकिल्ल्यांवर आणि लेण्यांमध्ये साजरे केले जातात. सामाजिक बांधिलकी म्हणून या दिवशी किल्ले, लेणी परिसर स्वच्छता, झेंडावंदन, आदिवासी पाड्यांमध्ये कपडे व उपयोगी वस्तू वाटून असे अनेक उपक्रम आयोजित केले जातात. अंधश्रद्धा निर्मुलन समितीच्या पनवेल शाखेसोबत BWNA प्रत्येक वर्षी विद्यार्थ्यांसाठी साहसी उपक्रम आयोजित केले जातात. लोक बिरादरी प्रकल्प हेमलकसा मधील शाळेतील मुला-मुलींसाठी देखील आकाश दर्शन व साहसी उपक्रम दरवर्षी घेतले जातात. प्रकाश आमटे व इतर आमटे कुटुंबीय यांच्यासोबत संस्था कार्यरत आहे.
या वर्षातील शेवटचे कार्यक्रम म्हणजे नाताळ च्या सुट्टी मध्ये आयोजित केलेले हिवाळी शिबीर. या वर्षी BWNA २३ ते २५ डिसेंबर या तारखांमध्ये सातारा येथील किल्ले सर करणार आहे. गुणवंतगड, दातेगड, वसंतगड, मचिंद्रगड आणि सदाशिवगड असे ५ किल्ले, ३ तालुके आणि २ जिल्हे पालथे घातले जाणार आहेत. माणसाचे निसर्गाशी आपले नात आणि बांधिलकी जपावी हाच नववर्षासाठी BWNA चा संकल्प आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
