सांगली | जिल्हा परिषद प्राथमिक मराठी शाळा बाबरवस्ती( पांडोझरी) ता.जत जिल्हा सांगली येथे धनगर समाज सेवा संघ मुंबई यांच्या वतीने बाबरवस्ती शाळेत वह्या पेन व जिलेबी व पेढे वाटप करण्यात आले. मा.आनंदराव हाक्के यांच्या हस्ते वह्या व पेन वाटप करण्यात आले.
सामाजिक बांधिलकी जपणे व समाजाचे आपण काहीतरी देणे लागतो.माणूस कितीही मोठा झाला तरी ज्या मातीतून आपण गेलोय त्या मातीला आपण कधीच विसरणार नाही.कारण या मातीतूंच माणूस म्हणून जगण्याचे बळ मिळाले आहे.असे उद्गार आनंदराव हाक्के यांनी काढले.
शाळेची गुणवत्ता व शाळेत राबवले जाणारे उपक्रम, वृक्ष संगोपन,बोलक्या भिंती पाहून ते भारावून गेले.दिलीप वाघमारे या शिक्षकांनी राबवलेल्या विविध उपक्रमाची दखल घेऊन या सेवा संघाचे पदाधिकारी गेल्या दोन वर्षांपासून शाळेला भेटी देतात व विद्यार्थ्यांना मार्गदर्शन करतात.
यावेळी शाळा व्यवस्थापन समिती अध्यक्षा सविता मोटे,व शोभा बाबर,कविता कोरे विशाल गोड,सत्यवान हाक्के,केरुबा गडदे,उपस्थित होते यावेळी कार्यक्रमाचे सुञसंचलन व आभार दिलीप वाघमारे यांनी केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
