बॉलिवूडची ‘बेबी डॉल’ अर्थात अभिनेत्री सनी लिओनीच्या चाहत्यांसाठी खुशखबर… सनी आई बनली असून तिने एक मुलगी दत्तक घेतली आहे. सनी व तिचा पती डॅनिअल वेबर यांनी लातूरमधील २१ महिन्यांच्या निशा कौर वेबर या गोंडस मुलीला दत्तक घेतले आहे. ‘निशाला पाहताक्षणीच आम्ही तिच्या प्रेमात पडलो’ असे सनीने नमूद केले. ‘ आम्ही निशाला निवडले नाही, तिनेच आमची (पालक) निवड केली’ असेही तिने सांगितले.
सनीने नुकत्याच एका एन्टरटेनमेंट चॅनेलला दिलेल्या मुलाखतीत कौटुंबिक आयुष्याबद्दल काही संकेत दिले होते. ‘नैसर्गिकरित्या आई होणं सध्या तरी माझ्यासाठी कठीण आहे. कारण, माझ्या आयुष्यात बरंच काही घडत आहे. परंतु, पुढं काय होईल कोण सांगू शकतो? कदाचित काही दिवसांनंतर माझ्या हातात बाळ पाहून तुम्हाला धक्का बसेल,’ असे सांगत तिने आई होण्याचे संकेत दिले होते. तेव्हापासूनच तिचे चाहते ‘गुड न्यूज’ची वाट पाहत होते.
सध्या बॉलिवूडमधील स्टार्समंडळी सरोगसीच्या मदतीने पालक बनत आहेत. शाहरुख खान, करण जोहर, तुषार कपूर यांनी आधीच सरोगेसीचा मार्ग अवलंबला आहे. त्यांच्याप्रमाणेच सनीही सरोगसीचा मार्ग अवलंबणार असल्याची चर्चा होती. मात्र त्याऐवजी सनीने मूल दत्तक घेण्याचा मार्ग स्वीकारला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
