अमरावती – अचलपूरचे अपक्ष आमदार आणि प्रहार युवा संघटनेचे प्रमुख बच्चू कडू यांना वाहतूक पोलिसाला मारहाण प्रकरणी एक वर्षाची शिक्षा सुनावण्यात आली आहे. अचलपूर सत्र न्यायालयाने एक वर्षे कारावास आणि ६०० रुपये दंड ठोठावला आहे. वाहतूक पोलीस इंद्रजीत चौधरीला आमदार बच्चू कडू आणि त्यांच्या कार्यकर्त्यांनी मारहाण केली होती.

‘पोलिसांनी योग्य पद्धतीने वाहतूक नियंत्रित न केल्यामुळे त्या परिसरात अनेक अपघात झाले आहेत. यासंदर्भात लोकप्रतिनिधी म्हणून विचारले असता. या पोलिसांनी उद्धटपणे उत्तर दिले असून त्यानंतर आमच्यात फक्त शाब्दिक वादावादी झाला पण, मारहाणीचा आरोप बच्चू कडू यांनी फेटाळला आहे.’

ओमप्रकाश उर्फ बच्चू कडू हे तीन वेळा अपक्ष आमदार म्हणून निवडून गेले आहेत. प्रहार युवा संघटना स्थापन केली आहे. या संघटनेच्या माध्यमातून शेतकरी आणि विविध सामाजिक विषयांवर आंदोलन करत असतात.