मुंबई – काही वेळा एखाद्या सीनच शूट करताना अभिनेते इतके गुंग होऊन जातात की, त्यांना सभोवतालच्या परिस्थितीचे भानच राहात नाही. असाच काहीसा प्रकार ‘अ जेंटलमन’ सिनेमातील चुंबन दृश्याच्या चित्रिकरणावेळी घडला. या चुंबनात बॉलिवुड अभिनेत्री जॅकलीन फर्नांडिस आणि अभिनेता सिद्धार्थ मल्होत्रा इतके गुंगून गेले की, दिग्दर्शक राज यांनी वारंवार ‘कट कट’ म्हणूनही ते एकमेकांचे ओठ चुंबतच राहिले.
सिनेमाचे दिग्दर्शक राज यांनी अलिकडेच एका प्रमोशनच्या कार्यक्रमात हे गुपित उघड केले. त्यामुळे जॅकलिन काहीशी बावचळून गेली. पण लगेचच सावरून घेत तिने म्हटले की, ‘खरे तर या सीनच्या वेळी राज यांना हा सीन अनेक अॅंगल्सने शूट करायचा होता आणि ते वारंवार सीन कट करत होते.’
या सिनेमातल्या ‘बंदूक मेरी लैला’ या गाण्याचं लॉन्च अलिकडेच झालं. या कार्यक्रमाच्या वेळी राज यांनी ही माहिती दिली.हा सिनेमा २५ ऑगस्टला प्रदर्शित होणार आहे. सिनेमात चुंबन दृश्यांची बहार आहे. ज्या दृश्यावर सेन्सॉरची कात्री फिरल्याची चर्चा होती, ते दृश्यही सिनेमात आहे, कट केलेले नाही, असे राज यांनी स्पष्ट केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
