हौसेखातर अभिनय करत असताना त्याचे व्यवसायात रूपांतर कधी झाले हे त्याला कळलेच नाही. ऑस्ट्रेलियात अभियंत्याचे उच्च शिक्षण घेत असताना तोहौसेखातर सांस्कृतिक कार्यक्रमांतून अभिनय करायचा. पुढे भारतात परतल्यावर पुण्यात त्याने अभिनयक्षेत्रातच काम करायचे ठरवले. नाटक, मालिकाकेल्या परंतु ‘होणार सून मी त्या घरची’ ने त्याचे आयुष्यच पालटून टाकले. हो. शशांक केतकर म्हणता म्हणता महाराष्ट्रातील रसिक प्रेक्षकांच्या गळ्यातीलताईत बनला. वन वे तिकीट व ३१ दिवस सारख्या चित्रपटांमधून दिसलेला शशांक केतकर आता आगामी मराठी चित्रपट ‘आरॉन’ मधून एकदम वेगळ्याभूमिकेत दिसणार आहे.
पुण्यात आंतरमहाविद्यालयीन स्पर्धा गाजविणारी नेहा जोशी हिला ‘क्षण एक पुरे’ या व्यावसायिक नाटकाने मनोरंजनसृष्टीत आणले. २००० साली तिला‘ऊन पाऊस’ ही मालिका मिळाली व ती महाराष्ट्रातील घराघरात पोहोचली. मालिका, नाटकं, चित्रपट यातून चतुरस्त्र भूमिका करत तिने आपले स्वतःचेवेगळे स्थान निर्माण केले. झेंडा, सुंदर माझे घर, पोश्टर बॉईझ, पोश्टर गर्ल, लालबागची राणी हे तिचे काही चित्रपट. अलीकडेच ती ‘वाडा चिरेबंदी’ यानाट्यत्रयीत व ‘फर्जंद’ या चित्रपटातून दिसली. आता ती आगामी मराठी चित्रपट ‘आरॉन’ मधून एकदम वेगळ्या भूमिकेत दिसणार आहे.
शशांक केतकर व नेहा जोशी हे दोघे पुणेकर आता पॅरिस मध्ये चित्रित झालेल्या ‘आरॉन’ चित्रपटामध्ये प्रथमच एकत्र येत आहेत. दोघांनीही अप्रतिम भूमिकानिभावल्या असून एक आगळी वेगळी जोडी प्रेक्षकांना पाहायला मिळणार आहे. जिएनपी फिल्म्स’ ची प्रस्तुती असलेल्या या चित्रपटाची निर्मिती गिरीशनारायण पवार, कौस्तुभ लटके, अविनाश अहेर यांनी केली असून ओमकार रमेश शेट्टी यांनी दिग्दर्शनाची धुरा वाहिली आहे. शशांक केतकर आणि नेहा जोशी ही अनोखी जोडी असलेला ‘आरॉन’ हा चित्रपट ७ डिसेंबर २०१८ ला सर्वत्र प्रदर्शित होत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
