Connect with us

मनोरंजन

अभिनेत्री सोनाली बेंद्रे मायदेशी परतली

News Desk

Published

on

मुंबई | बॉलिवूड अभिनेत्री सोनाली बेंद्रे सोमवारी (३ डिसेंबर) पहाटे न्यू-यॉर्कमधून मायदेशी परतली आहे.  न्यू-यॉर्कमध्ये कॅन्सर आजारावर औषधोपचार घेतल्यानंतर सोनाली जवळपास पाच महिन्यांनंतर मुंबईमध्ये दाखल झाली आहे. जुलै महिन्याच्या पहिल्या आठवड्यात हाय ग्रेड कॅन्सरचे निदान झाल्याची माहिती सोनालीने सोशल मीडियाच्या माध्यमातून आपल्या चाहत्यांना दिली होती. यानंतर उपचारांसाठी ती न्यू-यॉर्कमध्ये रवाना झाली होती.

तसेच मुंबईत दाखल झाल्यानंतर सोनालीचे पती गोल्डी बहल यांनी सांगितले की, सोनालीची प्रकृती सुधारत आहे. सध्या तिच्यावरील उपचार थांबवण्यात आले आहेत.  पण हा आजार पुन्हा कधीही बळावू शकतो. त्यामुळे नियमित वैद्यकीय तपासणी सुरूच राहतील.

मायदेशी परतणार असल्याची माहिती खुद्द सोनालीने रविवारी (२ डिसेंबर) ट्विटरवर शेअर केली होती. आपल्या देशात येणे हे किती खास बाब आहे, असे तिने ट्विटरवर पोस्टमध्ये शेअर केले होते. दरम्यान, काही काळ विश्रांती घेऊन सोनाली पुन्हा उपचारांसाठी न्यू-यॉर्कला रवाना होणार आहे.

मनोरंजन

नागपूरकरांच्या प्रेमाने भारावले बिग बी

News Desk

Published

on

मुंबई | ‘नागपूरकरांनी दिलेल्या प्रेमासाठी मी कायम त्यांचा ऋणी राहीन’, असे ट्वीट करत महानायक अमिताभ बच्चन यांनी नागपूरकरांचे आभार मानले आहेत. अमिताभ बच्चन हे नागराज मंजुळे यांचा पहिला हिंदी चित्रपट ‘झुंड’ मध्ये मुख्य भूमिकेत दिसणार आहेत. या चित्रपटाच्या चित्रीकरणासाठी अमिताभ बच्चन गेल्या अनेक दिवसांपासून नागपुरात आहेत. नागपूर विमानतळावरचे दोन फोटो शेअर करत अमिताभ बच्चन यांनीच ते नागपूरात दाखल झाल्याची बातमी आपल्या चाहत्यांना दिली.

अमिताभ यांची मुख्य भूमिका असलेला ‘झुंड’ हा चित्रपट फुटबॉल कोच विजय बरसे यांच्या जीवनावर आधारित आहे. भूषण कुमार, कृष्ण कुमार, सविता राज, राज हिरेमथ आणि नागराज मंजुळे या चित्रपटाची निर्मिती करत आहेत. ‘झुंड’ या आपल्या पहिल्या हिंदी चित्रपटासह नागराज मंजुळे बॉलिवूडमध्ये पदार्पण करणार आहेत. त्याचप्रमाणेया चित्रपटातील अमिताभ बच्चन यांच्या मुख्य भूमिकेमुळे निश्चितच प्रेक्षकांच्या अपेक्षा मोठ्या प्रमाणावर वाढल्या आहेत.

Continue Reading

मनोरंजन

‘केदारनाथ’ सिनेमाच्या प्रदर्शनाला उच्च न्यायालयाचा हिरवा कंदील

News Desk

Published

on

मुंबई | ‘केदारनाथ’ या सिनेमात विरोधात धार्मिक भावना दुखावण्यात असल्याची जनहित याचिका दाखल केली होती. या सिनेमात अभिनेता सुशांतसिंह राजपूत आणि अभिनेत्री सारा अली खान यांची प्रमुख भूमिका साकारली आहे. ही याचिकेवर आज (६ डिसेंबर) मुंबई उच्च न्यायालयाने फेटाळून लावल्याने या सिनेमाच्या प्रदर्शनाला हिरवा कंदील मिळाला आहे.

केदारनाथमधून सैफ अली खान आणि अमृता सिंह यांची मुलगी सारा अली खान बॉलिवूडमध्ये पदार्पण करीत आहे. अभिषेक कपूरने या सिनेमाचे दिग्दर्शन केले आहे. सवर्ण समाजातील हिंदू मुलगी एका गरीब मुस्लिम टुरिस्ट गाईडच्या प्रेमात पडते, अशी या सिनेमाची कथानक आहे. ‘केदारनाथ’ चित्रपटाविरोधात मुंबई हायकोर्टात दाखल करण्यात आलेली जनहित याचिका राजकीय हेतूने प्रभावित असल्याचे सेन्सॉर बोर्डाने नमूद केले आहे.

तसेच ‘केदारनाथ’ चित्रपटावर बंदी घालण्यात यावी, अशी मागणी गढवाल येथील स्वामी दर्शन भारती यांनी उच्च न्यायालयात  दाखल केली होती.  या चित्रपटामध्ये २०१३ मध्ये उत्तराखंडमधील केदारनाथ भागात आलेल्या भीषण पुरातील पीडितांविरोधातील आणि हिंदूंच्या भावना दुखावणारे चित्रण असेल तर बंदी आणण्यात येईल, असे मुख्य न्या. रमेश रंगनाथन यांनी स्पष्ट होते. या चित्रपटात लव्ह-जिहादला प्रोत्साहन देण्यात आल्याचे याचिकाकर्त्यांचे म्हणणे आहे.

Continue Reading

HW Marathi Facebook

December 2018
M T W T F S S
« Nov    
 12
3456789
10111213141516
17181920212223
24252627282930
31  

महत्वाच्या बातम्या