Connect with us

मनोरंजन

असा आहे… मिस वर्ल्ड ऐश्वर्याचा प्रवास

Gauri Tilekar

Published

on

अश्विनी सुतार | सौंदर्याची खाण म्हणजे ऐश्वर्या राय. बच्चन कुटुंबाची सून ऐश्वर्या राय बच्चन हिचा आज (१ नोव्हेंबर) वाढदिवस. ऐश्वर्याचा जन्म दाक्षिणात्य कुटुंबात झाला मात्र ती मूळची मल्याळम आहे. पण तिचा जन्म कर्नाटकातील मंगळूरमध्ये झाला. ऐश्वर्याच्या जन्मानंतर राय कुटुंब मुंबईत स्थायिक झाले. त्यांनतर तिने आपली वेगळीच ओळख निर्माण केली. अगदी विश्वसुंदरीचा किताब जिंकण्यापासून तर बॉलिवूड, हॉलिवूडची अभिनेत्री म्हणून मिरविते. तसेच कान्स फेस्टिवलमध्ये देशाचे प्रतिनिधत्वी केले तर टाईम्सच्या मुखपृष्ठावर झळकण्यापर्यंतचा ऐश्वयार्चा प्रवास आहे. ऐश्वर्याची आई वृंदा राय या लेखिका आणि वडील कृष्णराज चक्क समुद्र जीवशास्त्रज्ञ होते. तिचा धाकटा भाऊ मर्चंट नेव्हीत आहे. ऐश्वर्याने मिस वर्ल्डचा खिताब पटविला. तेव्हा तिने आर्किटेक्चर अभ्यासक्रमात तिने प्रवेश घेतला होता. माटुंग्याच्या रूपारेल कॉलेजात तिचे शिक्षण झाले. पुढे ऐश्वर्याचे आपसूकच मॉडेलिंगच्या क्षेत्रात आकर्षक वाढले. या मॉडेलिंगच्या दुनियेत वावरत असताना मिस इंडिया स्पर्धेत तिने भाग घेतला. पण या स्पर्धेत सुश्मिता सेन अव्वल ठरली आणि ऐश्वर्याला दुसरा क्रमांक मिळाला. पुढे मिस वर्ल्ड स्पर्धेत भाग घेतल्यानंतर विश्वसुंदरीचा मुकूट तिच्या डोक्यावर चढला.

बॉबी देओलसोबतचा ‘और प्यार हो गया’ हा तिचा पहिला हिंदी चित्रपट. दक्षिणेतील दिग्दर्शक एस. शंकर यांचा ‘जीन्स’ या चित्रपटातून तिने बहुभाषक चित्रपटातून काम केले. तिला त्यासाठी अभिनयासाठी पुरस्कारही मिळाला. हम दिल दे चुके सनम, मग देवदास, ताल, चोखेर बाली, रेनकोट, जोधा अकबर हे चित्रपट विशेष गाजले. कान्सच्या चित्रपट महोत्सवात म्हणूनच ज्युरी बनण्याचा मान मिळालेली ती एकमेव भारतीय अभिनेत्री आहे. जगप्रसिद्ध टाईम्स मॅगझिनने तिच्या कर्तृत्वाची दखल घेत आशिया खंडातील प्रभावशाली शंभर व्यक्तीमध्ये तिचा समावेश केला आहे. जगातील दहा सौंदर्यवतींमध्ये ती आहे.

तरुणांना घायाळ करणारी ऐश्वर्या राय ही सौंदर्य आणि बुद्धिमत्ता या दोन्ही गुणांनी परिपूर्ण आहे. १९९४ मध्ये ऐश्वर्या राय हि मिस वल्ड होती. त्यांनतर तिने चित्रपट सृष्टीत प्रवेश केला. बॉलीवूड मग हॉलिवूड आणि त्यांनतर अखेरीस तिचा चेहरा आंतराष्ट्रीय ब्रँड म्हणून बनला. आकर्षक निळ्या डोळ्यांचे तसेच तिच्या चालण्या-बोलण्याच्या अंदाजाचे सर्वच जण चाहते आहेत. मात्र एवढ्या बीजी शेड्युलनंतरही तिच्या सुंदर चेहऱ्याचे गुपित काय ? हा प्रश्न सर्वांनाच पडला आहे. तिचे हसरे व्यक्तिमत्त्व आणि नाजूक शरीरयष्टी पाहून ती आज वयाच्या ४५व्या वर्षात पदार्पण करतेय यावर विश्वासच बसत नाही.

मनोरंजन

वर्षा उसगांवकर आणि किशोरी शहाणे यांचा पियानो फ़ॉर सेल ।

News Desk

Published

on

वर्षा उसगांवकर आणि किशोरी शहाणे यांचा पियानो फ़ॉर सेल हि जुगलबंदी रंगणार दोन दिग्गज कलाकार प्रथमच एकत्र आल्यावर जो काही अनुभव रसिक प्रेक्षक अनुभवतात तो प्रचंड आनंददायी असतो. मग हा अनुभव जर रंगभुमीवरचा असेल तर तो अधिक रंगतदार, स्वर्णिम ठरतो. त्या दिग्गजांचा अभिनय, त्यांच्यातली संवादांची जुगलबंदी, विषयाच्या आशयाला आणि सादरिकरणाला अतुलनिय उंचीवर पोहोचवते. अगदी हाच आणि असाच एक सुखद अनुभव सर्व रसिक प्रेक्षकांसाठी घेऊन येत आहेत.
प्रस्तुतकर्ते चैतन्य गिरिश अकोलकर आणि डिज़िटल डिटॉक्स ही निर्मिती संस्था – “पियानो फॉर सेल” या नाटकाद्वारे! आणि या नाटकाच्या निमित्ताने ज्या दोन दिग्गज अभिनेत्री प्रथमच रंगभुमीवर एकत्र येत आहेत त्या आहेत – वर्षा उसगांवकर आणि किशोरी शहाणे विज.
लेखिका मेहेर पेस्तोनजी लिखित “पियानो फॉर सेल” या मूळ इंग्रजी नाटकाचे नाट्य रुपांतर आणि दिग्दर्शन हे आशिष कुलकर्णी यांचे आहे. अत्यंत आगळ्या वेगळ्या विषयाच्या या नाटकाचे प्रयोग १ डिसेंबर २०१८ पासून संपूर्ण महाराष्ट्रात तसेच परदेशातही करण्याचे प्रयोजन आहे.
Continue Reading

मनोरंजन

सईच्या आयुष्यावरची थरारकथा ‘डेट विथ सई’  

News Desk

Published

on

सैफ अली खान, आर माधवन, भूमी पेडणेकर, नवाजुद्दीन सिद्दिकी अशा बॉलीवूड ए-लिस्टर सेलेब्सनी वेबसीरिजमध्ये काम केल्यावर आता मराठीतली सर्वाधिक लोकप्रिय अभिनेत्री सई ताम्हणकर लवकरच डेट विथ सई ह्या वेबसीरिजमध्ये दिसणार आहे.

डिसेंबरपासून सुरू होणा-या ह्या वेबसीरिजविषयी सध्या खूप उत्कंठा आहे. ह्या वेबसीरिजशी निगडीत सूत्रांच्या अनुसार, ही एक थरार मालिका असणार आहे. ह्यामध्ये सई स्वत:च्याच म्हणजेच सई ताम्हणकरच्याच भूमिकेत असेल. सई ही पहिलीच भारतीय अभिनेत्री आहे, जी वेबसीरिजमध्ये स्वत:च्याच भूमिकेत दिसेल.

ह्या सूत्रांच्या अनुसार, ह्या वेबसीरजमध्ये सईचा वेडसर फॅन तिचा पाठलाग करत असतो. जो सईच्या नकळत तिचे आपल्या मोबाइल कॅमे-यात चित्रीकरण करत असतो. ही थरारक वेबसीरिज पाहताना तुमच्या अंगावर काटा येईल.

सई ताम्हणकर म्हणली, “डेट विथ सई सारखी थरारशैलीचा चित्रपट वा मालिका मी कधीच केली नव्हती. त्यामूळे ही वेबसीरिज माझ्यासाठी एक वेगळा अनुभव आहे. एका फॅनचं तुमच्यावरच प्रेम कसं जीवघेणंही ठरू शकतं, त्याची अनुभूती देणारी ही वेबसीरिज आहे. वेबसीरिजच्या विश्वात डेट विथ सईने मी पाऊल ठेवत आहे. आणि डिसेंबरमध्ये येणा-या ह्या वेबसीरिजची मी खूप उत्सुकतेने वाट पाहत आहे.”

Continue Reading

HW Marathi Facebook

November 2018
M T W T F S S
« Oct    
 1234
567891011
12131415161718
19202122232425
2627282930  

महत्वाच्या बातम्या