डॉ.बाबासाहेब आंबेडकर जयंती मिरवणूकीवर दगडफेक करुन दंगल प्रकरणी  ६० जणा विरुद्ध गुन्हा दाखल

उत्तम बाबळे नांदेड :- भारतरत्न डाॅ.बाबासाहेब आंबेडकर जयंती निमित्ताने १४ एप्रिल रोजी पुर्णा शहरात निघालेल्या मिरवणूकीवर अचानकपणे प्रचंड दगडफेक करण्यात आली होती.यात अनेकजण गंभीररित्या जखमी झाले व एकाचा मृत्यू देखील झाला आणि मोठे नूकसान झाले.या प्रकरणी काही भिमसैनिकांविरुद्ध गुन्हा दाखल करण्यात आला.तर सार्वजनिक भिम व बुध्द जयंती मंडळ अध्यक्ष भिक्खु बोधीधम्मा यांनी दिलेल्या फिर्यादीवरुन ६० जणाविरुद्ध डाॅ.बाबासाहेब आंबेडकर यांची प्रतिमा जाळणे,महिलांचा विनयभंग करणे,अश्लील व जातीवाचक शिवीगाळ करणे,दागीने लुटने यासह अनुसूचित जाती व जमाती अत्त्याचार प्रतिबंधक कायद्यानुसार पुर्णा पोलीसांत गुन्हा दाखल करण्यात आला आहे.

पुर्णा शहरात १४ एप्रिल २०१७ रोजी भिम व बुद्ध सार्वजनिक जयंती मंडळाच्या वतीने भारतरत्न डाॅ.बाबासाहेब आंबेडकर यांच्या १२६ व्या जयंती निमित्य भव्य मिरवणूक काढण्यात आली होती.ही मिरवणूक रात्री ७:३० वाजताच्या दरम्यान शहरातील कदम (मराठ)गल्ली मध्ये आली असता तेथील महादेव मंदीर व एका घराच्या छतावरुन अचानकपणे मिरवणूकीवर प्रचंड दगडफेक करण्यात आली.या दगडफेकीत अनेक जण गंभीररित्या जखमी झाले व एका जखमीचा उपचारादरम्यान मृत्यू पण झाला. प्रताप कदम,नरेश कदम यांसह एक मोठा जमाव दगडफेक करत मिरवणुकीतील सहभागी लोकांत घुसला व त्यांनी महिला मुलींचे कपडे फाडले,अश्लील वजातीवाचक शिवीगाळ करत त्या महिलांसह पुरुष व बालकांनाही मारहाण केली,प्रतिकार केला असता जीवे मारण्याची धमकी देत महिलांच्या अंगावरील दागीणे लुटले.तसेच त्या जमावाने डाॅ.बाबासाहेब आंबेडकर व आंबेडकरी दलित समाजाविरुद्ध प्रचंड घोषणाबाजी करत मिरवणूकीतील ज्या ट्रॅक्टरवर डाॅ.बाबासाहेब आंबेडकर यांची प्रतिमा ठेवलेली होती त्या ट्रक्टरसह डाॅ.बाबासाहेब आंबेडकर यांच्या प्रतिमेवर राॅकेल ओतून पेटवून दिले,जाळले.अशा आशयाची फिर्याद भिम व बुध्द सार्वजनिक जयंती मंडळाचे अध्यक्ष भिक्खु बोधीधम्मा,रा.पुर्णा यांनी दिल्यावरुन त्या ५० ते ६० संबंधीत आरोपींविरुद्ध कलम १४३,१४७,१४८,१४९,२९५,३५४,३३७,४३५,भादवी सह अनुसुचीत जाती व जमाती अत्त्याचार प्रतिबंधक कायदा अधिनिय १९८९ कलम ३(१),(५),३(आर) (५) (टी) प्रमाणे गुन्हें दाखल करण्यात आले असून पुढील तपास उपविभागीय पोलीस अधिकारी ए.जी.खान हे करीत आहेत.