औऱंगाबाद- संपूर्ण देशभर गाजलेल्या कोपर्डी येथील बलात्कार व हत्याकांडाचे राजकारण केले जात असून त्याला तिव्र विरोध होत आहे. कोपर्डी घटनेला एक वर्षे पूर्ण झाले असून या घटनेत बळी पडलेल्या निर्भयाचे स्मारक उभारण्याचा घाट आध्यत्मिक गुरू भय्यु महाराज यांनी आखला असून त्याला संभाजी ब्रिगेडने तिव्र विरोध दर्शवला आहे.
संभाजी ब्रिगेडचे प्रदेश प्रवक्ता डॉ. शिवानंद भानुसे यांनी पत्रक काढून स्मारकाला विरोध दर्शवला आहे. कथित संत भय्यू महाराज कोपर्डीत पीडितेचे स्मारक उभारून ऐतिहासिक मराठा क्रांती मोर्चाचे श्रेय घेण्याचा बालिश प्रयत्न करत आहेत. स्मारके शौर्य पराक्रमाची आठवण करून देण्यासाठी असतात. कोपर्डीत जे घडले त्याने प्रत्येक माणसाची मान शरमेने खाली गेली आहे. अशा घटनेचे स्मारक उभारून माणुसकीला काळीमा फासण्याचे काम करू नये, अशी ब्रिगेडची भूमिका आहे. दरम्यान, कोपर्डी प्रकरणाची सुनावणी फास्ट ट्रॅक कोर्टात घेऊन लवकरात लवकर आरोपींना फाशी देण्यासाठी सरकार प्रयत्न करेल, असे मुख्यमंत्री म्हणाले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
