HW News Marathi
महाराष्ट्र

युतीचा निर्णय मी आणि मुख्यमंत्री फडणवीस मिळून घेऊ – उद्धव ठाकरे

शुभम देशमाने – 8689820571

मुंबई – आगामी निवडणुकांमध्ये भाजपसोबत युती करायची की नाही, याबाबतचा निर्णय मुख्यमंत्री देवेंद्र फडणवीस आणि मी मिळून घेऊ, असे शिवसेनेचे पक्षप्रमुख उद्धव ठाकरे यांनी स्पष्ट केले आहे. युतीबाबत आजपासून चर्चेची शक्यता असल्याचे त्यांनी सांगितले.

आगामी जिल्हापरिषद, पंचायत समिती आणि महापालिका निवडणुकांबाबत शिवसेना-भाजपमध्ये युतीबाबत अनेक तर्कवितर्कांना सुरूवात झाली आहे. त्याबाबत उद्धव ठाकरे यांनी सांगितले की, शिवसेना-भाजपकडून प्रत्येकी तीन सदस्य युतीबाबत चर्चा करतील. जिल्हा परिषद निवडणुकीत युतीचे अधिकार स्थानिक पातळीवरील कार्यकर्त्यांना देण्यात येणार आहेत. आज निवडणुका जाहीर होणार असल्याने लवकरात लवकर चर्चा झाली तर ठीक नाहीतर कुठेतरी थांबवून एक निर्णय घ्यावा लागेल, अशी सूचनावजा इशाराही उद्धव ठाकरे यांनी भाजपला दिला आहे. युतीबाबत अजून माझ्यापर्यंत काही आलेले नाही त्यामुळे शिवसेनेची निवडणुकीची तयारी सुरू असल्याचे उद्धव यांनी सांगितले.

उद्धव यांचा राज ठाकरेंना टोला

महापालिका निवडणुकीत युती करण्याबाबत मनसे प्रमुख राज ठाकरेंनी अनुकूलता दर्शवत भाजप हा आमचा शत्रू असल्याचे वक्तव्य केले आहे. त्याबाबत विचारले असता उद्धव म्हणाले, शिवसेनेबद्दल अनेकांच्या मनात गैरसमज होते ते दूर होत आहेत, ही चांगली गोष्ट आहे.

 

 

 

 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
Some error occurred

Related posts

मोदी सरकारने सुरक्षा पुरवली, किरीट सोमय्यांभोवती 40 CISF जवानांचं सुरक्षा कवच!

News Desk

१ ऑक्टोबरपासून राजभवन भेट पुन्हा सुरु

Manasi Devkar

‘देशमुखांचं उठसूठ समर्थन करणाऱ्या ठाकरे सरकारचंही ‘तोंड’ काळं’, भाजपचा घणाघात..!

News Desk