सोलापूरची घराणेशाही आणि वारसा .

अभिराज उबाळे

सोलापूर जिल्ह्याच्या राजकारणाने कुस बदललीय अशी चर्चा सर्वत्र सुरुये . घराणेशाही , हुकुमशाही संपली आता लोकशाही आलीय . मागील वर्षी झालेल्या विधानपरिषदेच्या निवडणुकीत पंढरपूरच्या प्रशांत परीचारकानी माढ्याच्या संजय शिंदेनां सोबत घेवुन अशक्यप्राय विजय मिळवला . तेंव्हा पासुन प्रशांत मालक आणि संजय मामा हि जोडी भाजपसाठी ओपनिंग बॅट्समन ठरलेत. ( १९९३ च्या क्रिकेट विश्वचषक मधिल श्रीलंकेचे जयसुर्या आणि कालुवितरणा )जिल्ह्यातील नगरपालिका , पंचायत समिती, महानगर आणि आता पहिल्यांदाच जिल्हा परीषदेवर भाजप राज्य करणार . मुख्यमंत्र्यानी प्रशांत परीचारकानां आणि संजय शिंदेनां जिल्ह्या मोकळं रान दिलय . काहिही करा मला शत प्रतिशत भाजप द्या . त्यानुसार जा जोडगोळीने सुधाकरपंत , आमदार सिध्दराम म्हैत्रे , सिद्रामप्पा पाटील , माजी आमदार शहाजी पाटील यांच्या मार्गदर्शना खाली आणि उत्तम जानकर , राजा राऊत , समाधान आवताडे या युवकांना सोबत घेवुन सोलापूरच्या कॉंग्रेस , राष्ट्रवादीच्या गड किल्ल्यांवर हल्ले सुरु केले . या लढाईत त्यांनी मोहिते पाटलानां लक्ष केले . त्यांच्या घराणेशाही वर टीका केली . यामध्ये गल्ली पासुन दिल्ली ( छोटी बारामती ) यांची साथ सोबत मिळाली . मोहिते पाटलांच्या भांडवलावर जिल्हा परीषदेचे अध्यक्षपद बिनविरोध मिळवण्यात संजय शिंदे यशस्वी झाले . त्यानंतर सर्वानीं थेट मोहिते पाटलाना आव्हान दिले .

जिल्ह्यातील ग्रामपंचायती पासुन ते लोकसभे पर्यत मोहिते पाटील एके मोहिते पाटील होते . स्वतः राष्ट्रवादीत असताना बंधु प्रतापसिन्हानां भाजपच्या तिकीटावर खासदार केले . या घरणे शाहीचा बदला घेतला असे सर्वच आता ठासुन सांगताहेत . पण याच दरम्यान माढ्यात शिंदेच्या रुपाने दुसरी घराणेशाही बाळसं धरतेय याकडे कोणाचेच लक्ष नाहिये . माढा पंचायत समिती बेंबळे गणाचे आरक्षण इतर मागासवर्गीय (OBC ) पुरुष झाले . जिल्हा परीषदेचे अध्यक्षपद सर्वसाधारण पुरुष पडले . तेंव्हा पासुन शिंदे बंधुनी या पदांवर दावा दाखल केलता . माढा पंचायत समिती च्या सभापती पदावर आपल्या मुलालाच बसवायचे म्हनुन आमदार बबन शिंदेनी स्वतःच्या मुलाचे ओबीसी प्रमाणपत्र काढले आणि ओबीसींच्या हक्काधिकारावर पाणी फेरले . मुलगा विक्रमसिंह याला निवडुन आणून पंचायत समिती सभापती केले . घराणेशाही बद्दल बोलताना आपण एका मागासवर्गीय समाजावर अन्याय करतोय असे आमदार बबनदादानां वाटले नाही . उलट त्यांनी याचे समर्थन करत आम्ही देखिल ओबीसीचं आहोत असे ठासुन सांगितले . याच निवडनुकित भावाच्या मुलाला देखिल पंचायत समिती सदस्य केले . रणजित या मोठ्या चिरंजीवाला देखिल जिल्ह्या परीषदेवर पाठवले . संजय शिंदेनां जिल्हा परीषद अध्यक्षपदाच्या खुर्चीत बसवायचे यासाठी जुळणी सुरु केली . आणि अखेर संजय शिंदे बिनविरोध अध्यक्ष झाले . ( कायदेशीर रीत्या हक्काचे एक ही मत नसताना . शिंदे अपक्ष आहेत . ) आता सुरु झाले की मोहिते पाटलांची घराणेशाही आम्ही संपवली . माढ्यांच्या या शिंदेचा विचार केल्यास तालुक्यात साखर कारखाने , सुतगिरणी , बॅंक , जिल्हा बॅंक , पंचायत समिती , बाजार समिती , देखरेख संघ यावर शिंदे कुटुंबाचीच सत्ता आहे . आता जिल्ह्याचे राजकारण अकलुज वरुन नाहितर माढ्यातुन चालणार . प्रश्न असा पडतो की घराणेशाही संपवन्यास निघालेल्या या लढवय्यानां माढा पंचायत समितीच्या सभापती पदी ओबीसी मिळाला नाहि ? जिल्हा परीषदेसाठि दुसरा चेहरा ( संजय मामा सोडुन ) मिळाला नाहि ? किंगमेकर होता होता स्वतः किंग होण्यासाठीची धडपड आहे . ज्याकाळात मोहिते पाटील बोले आणि जिल्हा हाले अशी परीस्थिती होती . तेंव्हा हे पुढारी त्यांच्या हा ला हा मिळवत . त्यांचा वेळी विरोध केला असता तर ? असो २००९ नंतर मोहिते पाटील बॅकफूटवर गेले . २०१४ च्या लोकसभा निवडनुकीत विजयदादांची दमछाक झाली पण त्यांच्या अकलुजने तारले नी खासदार केले . पण त्यांनी घराणेशाहीची री काहि सोडली नाहि . दोन जिल्हा परीषद सदस्य , पंचायत समिती सभापती आणि एक पंचायत समिती सदस्य पद पुन्हा घरातच ठेवले . माढ्याच्या शिंदे बंधुन्ही तेच केले . एक घराणेशाही संपली आणि दुसरींने जन्म घेतला . भविष्यात दुसरा संजय शिंदे जिल्ह्यात तयार झाल्यासनवल वाटायला नको . पण घराणेशाही कोणतेही असो खांद्यावर झेंडा घेवुन “विजय असो ” चा नारा देणारे चेहरे मात्र तेच असणार आहेत . शिंदे बंधु घराणेशाहीचा वारसा चालवताना दिसताहेत . उत्सुकता आहे ती भविष्यातील संजय शिंदे कोण असणार याची .