पुणे | मुंबई-पुणे एक्स्प्रेस वेवर बोरघाटात येथे एक अपघात झाल्याची घटना घडली आहे. या अपघातात सुमारे १० वाहनांचे मोठे नुकसान झाले आहे. गुरुवारी सकाळी साडेसातच्या सुमारास हा अपघात घडला. भरधाव वेगात जाणाऱ्या एका आयशर टेम्पोचे नियंत्रण सुटल्याने रस्त्याच्या बाजूला असलेल्या रोपला तो धडकला. त्यामुळे त्याच्या पाठोपाठ वेगाने आलेली वाहने एकामेकांवर धडकली. हा अपघात ५ कार, ४ ट्रक आणि एका टेम्पो समाविष्ठ होता.
प्राप्त झालेल्या माहितीनुसार, बोरघाटात सकाळी ६ वाजता एक ट्रक आणि कंटेनर यांचा भीषण अपघात झाला. या अपघातात ट्रक चालकाचा मृत्यू झाला. ही वाहने बाजूला काढण्याचे काम सुरु असल्याने महामार्गावरील एक लेन बंद ठेवण्यात आली होती. मुंबई-पुणे एक्स्प्रेस वेवरील या विचित्र अपघातात काही गाड्यांचे नुकसान झाले आहे. सुदैवाने या अपघातात कोणतीही जीवितहानी झालेली नाही.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
