ठाण्यात १०० रुपयांत १० वर्षे वायफाय!

ठाणे : सध्या सर्वत्र विनामूल्य वायफायचे पेव फुटले आहेत. ठाणे महापालिकेनेही त्यात पुढाकार घेतला आहे. केवळ १०० रुपयांत नावनोंदणी करून पालिका १० वर्षे ठाणेकरांना विनामूल्य वायफाय सेवा देणार आहे. शहरात टप्प्याटप्प्याने ही सेवा सुरू करण्यात येणार आहे.

महापालिकेकडे १00 रुपये शुल्क भरून नावनोंदणी करणाऱ्या ठाणेकरांना पुढील दहा वर्षांसाठी ८00 केबीपीएस वेगाने डेटाविनामूल्य वापरण्यास मिळणार आहे. यापेक्षा जास्त वेग हवा असल्यास वेगळे शुल्क भरावे लागणार आहे. तसेच महापालिकेच्या सर्व कार्यालयांना २0 एमबीपीएस वेगाने डेटा या सेवेअंतर्गत विनामूल्य पुरविला जाणार आहे. या योजनेतून महापालिकेस वर्षाकाठी ६१ लाखांचे उत्पन्न मिळेल, असा विश्वास महापालिकेचे अतिरिक्त आयुक्त सुनील चव्हाण यांनी व्यक्त केला.