औरंगाबाद विभागात सध्या ०.४३ टक्के इतकाच पाणीसाठा आहे. गेल्यावर्षी याच दिवसांत २३.४४ टक्के पाणी होते. औरंगाबाद विभागातील बीड, हिंगोली, परभणी आणि उस्मानाबाद या जिल्ह्यांचा समावेश असल्याची माहिती जलसंपदा विभागाच्या संकेतस्थळावर देण्यात आलेल्या आली आहे.
या विभागात पैठण, मांजरा, माजलगांव, येलदरी, सिध्देश्‍वर, लोअर तेरणा, सीना कोलेगांव आणि धुदना या धरणांचा समावेश आहे. ही सर्व धरणे सद्यस्थितीत कोरडी आहेत. गेल्या वर्षी याच कालावधीत या धरणांमध्ये पैठण- ३४.९५ मांजरा-२१.२४, माजलगांव-१७.५ आणि लोअर तेरणा धरणात ५२.०३ टक्के पाणीसाठा होता.
बुलढाण्यातील कडकपूर्णा आणि पेंटाकली, गोसीखुर्द, दीना आणि नंद ही नागपूर विभागातील धरणे तसेच जळगांव जिल्ह्यातील अप्पर तापी हातनूर, वाकी, भाम, भावली आणि पुनेगांव ही नाशिक विभागातील व दिभे, घोड, पिंपळगांव जोगे, वडज आणि टेमघर ही पुणे विभागातील भीमा, कुंडली-टाटा आणि लोणावळा टाटा ही सोलापूर विभागातील धरणेही कोरडीठाक झाली आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
