HW News Marathi
महाराष्ट्र

आरोग्यमंत्र्यांनी दिली ‘गुडन्यूज’, ३४ जणांना दिला डिस्चार्ज

मुंबई | कोरोनाशी राज्य आणि केंद्र सरकार, आरोग्य यंत्रणा आणि स्थानिक प्रशासन यशस्वी लढा देत आहेत. महाराष्ट्रात १९६ जण कोरोना पॉझिटिव्ह आहेत. पण आनंदाची बाब म्हणजे त्यातील ३४ जणांना रुग्णालयातून घरी सोडण्यात आले आहे. त्यात मुंबईतील १४, तर पुण्यातील १५ जणांचा समावेश असल्याची माहिती राज्याचे आरोग्यमंत्री राजेश टोपे यांनी ट्विटरद्वारे दिली आहे.

राज्यात कोरोनाचा प्रादुर्भाव वाढत निगेटिव्हपणे वाढत असतानाच, ही ‘पॉझिटिव्ह’ बातमी आली आहे. कोरोनाशी यशस्वी लढा देत राज्यातील ३४ रुग्ण घरी परतले आहेत. दरम्यान, कोणत्या शहरात, जिल्ह्यात किती कोरोनाबाधित रुग्ण आहेत याची माहितीही त्यांनी ट्विटरद्वारे दिली आहे. मुंबई व ठाणे परिसरात १०७, पुणे ३७, नागपूर १३, अहमदनगर ३, रत्नागिरी १,औरंगाबाद १ ,यवतमाळ ३ , मिरज २५, सातारा २, सिंधुदुर्ग १, कोल्हापूर १ , जळगाव १ आणि बुलडाण्यात १ असे एकूण १९६ रुग्ण आहेत, अशी माहिती आरोग्यमंत्री राजेश टोपे यांनी दिली.

या रुग्णांपैकी मुंबईतील १४, पुण्यातील १५, नागपूर १ , औरंगाबाद १, यवतमाळ ३ अशा एकूण ३४ रुग्णांना पूर्णपणे बरे झाल्यानंतर घरी सोडण्यात आले आहे. तसेच सक्रिय प्रकरणे ही १५५ असल्याची माहितीही त्यांनी दिली. तसेच, राज्यातील कोरोना बाधित रुग्णांचा आजचा (२९ मार्च) सकाळी 9 वा. पर्यंतचा हॉस्पिटलनिहाय तपशीलही त्यांनी ट्विटरद्वारे दिला आहे.

 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

गँगस्टर एजाज लकडावाला मुंबई पोलिसांच्या अटकेत, २१ जानेवारीपर्यंत पोलीस कोठडी

News Desk

मुंबईच्या NCB अधिक्षकाला विनयभंगाप्रकरणी अटक!

News Desk

बाबा सिद्दीकीची ४६२ कोटी संपत्ती जप्त ईडीची कारवाई

News Desk