पुणे | उपमुख्यमंत्री अजित पवार आणि विरोधपक्ष नेते देवेंद्र फडणवी उपस्थित असलेल्या भामा आसखेड योजनेच्या उद्घाटन कार्यक्रमात आज गोंधळ पहायला मिळाला. भाजप युवा मोर्चाच्या कार्यकर्त्यांनी सुरू केलेल्या घोषणाबाजीला राष्ट्रवादीच्या कार्यकर्त्यांनी जशास तसे उत्तर दिले. या सर्व प्रकारामुळे भामा आसखेड योजनेच्या उद्घाटन कार्यक्रमास कार्यकर्त्यांच्या घोषणाबाजीने गालबोट लागले आहे. पुण्याच्या पूर्व भागाला पाणीपुरवठा करण्यासाठी महापालिकेने भामा आसखेड पाणीपुरवठा योजना हाती घेतली आहे. या योजनेचे काम तब्बल आठ वर्षानंतर नुकतेच पूर्ण झाले आहे. या योजनेचे काम पूर्ण झाल्याबरोबर कामावरून भाजप व राष्ट्रवादीमध्य श्रेयवाद सुरू झाला.
देवेंद्र फडणवीस सभागृहात येऊन बसल्यानंतर उपमुख्यमंत्री अजित पवार पायऱ्या चढत सभागृहात पोहचले. अजित पवार वर येत असल्याची चाहुल लागताच सभागृहाच्या प्रवेशद्वाराजवळ भाजप युवा मोर्च्याच्या कार्यकर्त्यांनी “पुण्याची ताकद, गिरीश बापट, मोदी मोदी, देवेंद्र फडणवीस तुम आगे बडे” अशा घोषणा देण्यास सुरूवात केली. यावेळी राष्ट्रवादीच्या कार्यकर्त्यांनी “एकच वादा, अजित दादा” अशा घोषणा दिल्या. यावेळी अजित पवार यांनी घोषणा देणाऱ्या राष्ट्रवादीच्या कार्यकर्त्यांना झापले. दुसरीकडे भाजप कार्यकर्त्यांची घोषणाबाजी सुरूच होती. या घोषणाबाजीतच अजित पवार यांनी सभागृहात प्रवेश केला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
