मुंबई | अंधश्रद्धा निर्मुलन समितीचे अध्यक्ष डॉ. नरेंद्र दाभोलकर यांच्या हत्येला आज (२० ऑगस्ट)ला पाच वर्षे पुर्ण झाली आहे. अमोल काळे आणि वीरेंद्र तावडे हे दोघे दाभोलकर यांच्या हत्येचे सुत्रधार असल्याचा दावा सीबीआयने केला आहे. दाभोलकरांच्या पाचव्या स्मृतिदिनी राज्यभरातील विविध ठिकाणी रॅली काढण्यात येणार आले आहे. पुण्यातील ओंमकारेश्वर पूल ते साने गुरुजी स्मारक या मार्गावरून ‘जवाब दो’ निषेध रॅलीचे आयोजन करण्यात आले आहे.
कशा प्रकारे झाली दाभोलकरांची हत्या
डॉ. नरेंद्र दाभोलकर यांच्या हत्येसाठी अमोल काळेनी सचिन अंदुरे आणि शरद कळसकर यांना शस्त्र पुरविली. आणि मोटारसाईकलची सोय केली. दाभोलकरांच्या हत्येच्या १० दिवस आधी अमोल काळे यांनी परिसराची रेकी केली. कुठे कुठे सीसीटीव्ही आहे का?, याची पाहणी केली. दाभोलकरांचा प्रमुख सुत्रधार वीरेंद्र तावडे असल्याचे सीबीआयने सांगितले.
हत्येपुर्वी शरद कळसकर आणि सचिन अंदुरे औरंगाबादमधून पुण्याच्या दिशेने रवाना झाले.
पुण्यात आल्यानंतर दोन बंदुक आणि मोटर सायकल देण्यात आले. ओंकारेश्वर पुलाजवळील या दोघांसाठी पाईक पार्क करण्यात आली. सकाळी मॉर्निंग वॉकसाठी दाभोलकर ओंकारेश्वर पुलाजवळ पोहोचले. तेव्हा सचिन अंदुरे आणि शरद कळसकर या दोघांनी दोन राऊंड फायर केली. दाभोलकरांची हत्या करून सायंकाळी ५ वाजता औरंगाबादला पोहोचले असल्याची माहिती सीबीआयने दिली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
