कंगणासाठी आता अमृता फडणवीस मैदानात ! अमृता वहिनी म्हणतात…

मुंबई | बॉलिवूड अभिनेत्री कंगना राणावत सध्या मुंबईची तुलना पाकिस्तानसोबत केल्यामूळे वादाच्या भोवऱ्यात सापडली आहे. अभिनेता सुशांतसिंग राजपूत आत्महत्या प्रकरणातील तपासावरून राज्य सरकारवर, मुंबई पोलिसांवर आरोप करणाऱ्या कंगणाला सर्व स्तरांतून टीका केली जात आहे. कायमच वादग्रस्त विधान करणाऱ्या विधानसभेचे विरोधी पक्षनेते देवेंद्र फडणवीस यांच्या पत्नी अमृता फडणवीस यांनीही या वादात उडी घेतली आहे.

अमृता फडणवीस यांनी एक ट्वीट करत कंगनाला ट्रोल करणाऱ्यांना उत्तर दिले आहे. ‘एखाद्याच्या मताशी आपण सहमत नसूही, पण लोकशाहीमध्ये व्यक्त होण्याच्या अधिकाराचे आपण रक्षण केले पाहिजे. भाषणाचे स्वातंत्र्य, विश्वास स्वातंत्र्य, चळवळीचे स्वातंत्र्य, प्रेस-स्वातंत्र्य कोणी दडपू शकत नाही. एखाद्याच्या मताविषयी प्रतिवाद असू शकतो, पण टीका करणाऱ्याच्या पोस्टरला चप्पलेने मारणे हे योग्य नाही,’ असे मत अमृता फडणवीस यांनी व्यक्त करत कंगणाचे एकाअर्थी समर्थनच केले आहे.आता अमृता फडणवीस यांनी या वादात उडी घेतल्याने नवे वळण येण्याची शक्यता आहे.

We may not agree with what someone has to say,but we must defend the right to express in democracy!Freedom of speech,freedom of belief,freedom of movement,freedom of press-cannot b suppressed! We can have counter arguments but beating posters of critics with chappals is a new low

— AMRUTA FADNAVIS (@fadnavis_amruta) September 4, 2020

दरम्यान, या आधी अमृता फडणवीस यांनी देखील मुंबई आणि मुंबई पोलिसांविरु्ध ट्विट केले होते.माजी मुख्यमंत्री देवेंद्र फडणवीस यांच्या पत्नी अमृता फडणवीस यांनी आता मुंबई सामान्य माणसांसाठी राहायला सुरक्षित नाही असे म्हटले होते.‘ज्या पद्धतीने सुशांत सिंह राजपूत याच्या आत्महत्येचे प्रकरण सांभाळले जात आहे त्यानुसार सामान्य माणसांसाठी मुंबईत राहणे सुरक्षित राहिले नाही आहे आणि माणुसकी गमावली आहे’, असे ट्विट अमृता फडणवीस यांनी केले होते.

The manner in which #SushantSinghRajputDeathCase is being handled – I feel #Mumbai has lost humanity & is no more safe to live – for innocent, self respecting citizens #JusticeforSushantSingRajput #JusticeForDishaSalian

— AMRUTA FADNAVIS (@fadnavis_amruta) August 3, 2020