नवी दिल्ली | सकल मराठा समाजाचे रविवारी धुळे जिल्हाधिकारी कार्यालय परिसरात आंदोलन सुरू होते. या आंदोलना दरम्यान भाजपच्या खासदार डॉ. हिना गावित यांच्या गाडीवर चढून घोषणाबाजी करत तोडफोड केली. ज्या आंदोलकांनी मराठी गाडीवर चढून तोडफोड केली, त्या सर्वांवर अॅट्रॉसिटी अंतर्गत गुन्हा दाखल करा, अशी मागणी भाजप खासदार हिना गावित यांनी लोकसभेत केली. मी आदिवासी महिला खासदार असल्याने जाणीवपूर्वीक लक्ष केले, असा आरोप हिना गावित यांनी लोकसभेत केला.
या घटनेनंतर पोलिसांनी १५ ते २० आंदोलकांना ताब्यात घेतले असून त्यांच्यावर एफआयआर दाखल झाला, परंतु त्यांना दोन तासाच्या आत सोडून दिले. ज्या व्यक्तीने हा हल्ला केला, त्याचा हार तुरे घालून सत्कार करण्यात आला, असा सवाल हिना गावित यांनी उपस्थित केला.
नेमके काय घडले
खासदार डॉ. हिना गावित या एका बैठकीसाठी धुळे येथे जिल्हाधिकारी कार्यालयात आलेल्या होत्या. बैठक संपल्यानंतर परत जाण्यासाठी त्या निघाल्या होत्या. तेव्हा अचानक मराठा आरक्षणाच्या आंदोलकांनी त्यांच्या हिना यांच्या गाडीवर हल्ला केला. हिना त्यावेळी कारमध्ये असताना आंदोलक कारवर चढले होते. पोलिसांनी हिना यांना बाहेर काढल्यानंतर काही आंदोलकांनी त्यांच्यावर हल्ला करण्याच प्रयत्न केल्याचे गावित लोकसभेत सांगत होत्या.
नंदुरबार बंद
मराठा आरक्षणासाठी आंदोलकांनी गावित यांच्या गाडीवर हल्ला करण्यात आला. या हल्ल्याच्या निषेधार्थ नंदुरबारमध्ये बंद पाळण्यात आला. याठिकाणी कडेकोट बंदोबस्त ठेवण्यात आला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
