Connect with us

महाराष्ट्र

हलगर्जीपणामुळे अवनीची शिकार, एनटीसीचा ठपका

News Desk

Published

on

नागपूर | अवनी वाघीणची हिची शिकार करण्यात आल्यानंतर वादाला तोंड फुटले होते. यानंतर अवनीच्या शिकारीच्या वेळी हलगर्जीपणा झाला असल्याचा ठपका एनटीसीच्या अहवालात ठेवण्यात आला आहे. ढिसाळ नियोजन आणि हलगर्जीपणा यामुळे अखेरीस अवनीला ठार मारावे लागले असे या अहवालात म्हटले होते.

१३ जणांचा बळी घेतल्याचा संशय असलेल्या अवनी वाघिणीला अनेक दिवसांच्या शोधमोहिमेनंतर ठार मारण्यात आले होते. अवनीला ठार केल्यानंतर स्थानिक लोकांनी समाधान व्यक्त केले असले तरी प्राणीप्रेमी, विविध सामाजिक संघटना आणि विरोध पक्षांनी सरकारवर टीकेची झोड उठवली होती. परंतु नॅशनल टायगर कन्झर्वेशन अॅथॉरिटीच्या अहवालामध्येही अवनीच्या मृत्यूला नियोजनातील ढिसाळपणा कारणीभूत ठरल्याचा ठपका ठेवण्यात आला आहे. अवनीला पकडण्यासाठी डॉ. कडू. यांनी दिलेला डार्ट २४ तासांत वापरणे आवश्यक होते. मात्र ते ५६ तासांनंतर वापरण्यात आले. त्यामुळे अवनी बेशुद्ध झाली नाही. अखेरीस तिला गोळ्या घातून ठार करावे लागले असे या अहवालात म्हटले आहे.

अवनीला ठार मारल्याप्रकरणी शार्प शूटर नवाब शहाफत अली खान यांच्यावरही आरोप झाले होते. परंतु आम्ही शिकारी असलो तरी आम्हालाही वन्यजीवांचे प्रेम आहे. १३ शेतकरी, शेतमजुरांचा बळी घेणा-या नरभक्षक वाघीण अवनीलाही जीवाने मारायचे नव्हतेच. तिला बेशुद्ध करण्यासाठी अनेक महिने वाट पाहिली, संधी शोधली. त्या रात्रीही बेशुद्धीचा प्रयत्न झाला. मात्र तिने थेट झडप घातल्याने आमच्या सोबतच्या इतरांचे संरक्षण करण्यासाठी नाईलाजाने तिच्यावर गोळी झाडावी लागली, अशी स्पष्टोक्ती हैदराबाद येथील शार्प शूटर नवाब शहाफत अली खान यांनी काही दिवसांपूर्वी  दिली होती.

 

Advertisement

देश / विदेश

#PulwamaAttack : ‘अमर रहे’च्या घोषणांनी, बुलडाण्यातील दोन्ही शहीद जवानावर शासकीय इतमामात अंत्यसंस्कार

News Desk

Published

on

नवी दिल्ली | जम्मू-काश्मीरमधील पुलवामा येथे सीआरपीएफच्या ताफ्यावर झालेल्या दहशतवादी हल्ल्यात शहीद झालेल्या जवानांचे पार्थिव त्यांच्या मूळ गावांकडे रवाना झाले आहेत. महाराष्ट्रातील दोन जवान शहीद झाले आहेत. शहीद संजय राजपूत आणि शहीद नितीन राठोड यांचे पार्थिव आज(१६ फेब्रुवारी) सकाळी औरंगाबाद विमानतळावर दाखल झाले होते. यानंतर बुलडाण्याच्या दोन सुपुत्रांना त्यांच्या मूळ मलकापूर संजय राजपूत आणि लोणार तालुक्यातील चोरपांग्राचे नितीन राठोड त्यांच्या गावी शासकीय इतमामात अंत्यसंस्कार करण्यात आले.

मलकापूर येथील संजयसिंह भिकमसिंह दीक्षित (राजपूत) आणि लोणार तालुक्यातील चोरपांग्रामधील नितीन शिवाजी राठोड हे दोन सीआरपीएफ जवान पुलवामा येथील दहशतवादी ह्ल्ल्यात शहीद झाले. हे दोघेही १० फेब्रुवारीला सुट्‍टी संपल्यानंतर ड्यूटीवर रूजू झाले होते. या दोन्ही शहीद जवानांच्या अंत्यसंस्काराच्या वेळी उपस्‍थित नागरिकांनी ‘अमर रहे, शहीद जवान अमर रहे’ अशा घोषणा देण्‍यात आल्‍या.

या दोन्ही जवानांच्या अंत्यसंस्काराच्या वेळी पंचक्रोशीतील नागरिकांची मोठी गर्दी उपस्थित होते. दोन्‍ही जवानांच्‍या पार्थिवावर चोरपांगरा आणि मलकापूर येथे अंत्‍यसंस्‍कार करण्‍यात आले. जम्मू-काश्मीरमधील पुलवामा जिल्ह्यातील अवंतीपोरा भागात सीआरपीएफच्या ताफ्यावर दशतवाद्यांनी गुरुवारी (१४ फेब्रुवारी) झालेल्या हल्ल्यात ४० जवान शहीद झाले आहेत. या हल्ल्याची जबाबादारी जैश-ए-मोहम्मद या दहशतवादी संघटनेने स्वीकारली आहे.

 

Continue Reading

महाराष्ट्र

 पुलवामाच्या गुन्हेगारांना  कशी, कुठे, शिक्षा द्यायची ते आमचे जवान ठरवती !

News Desk

Published

on

 यवतमाळ | पंतप्रधान नरेंद्र मोदी आज (१६ फेब्रुवारी) यवतमाळमधील पांढरकवडा येथे  मोदींच्या हस्ते विविध विकासकामांचे उद्घाटन करण्यात आले आहे. “मी तुम्हाला सांगतो की, जवानांचे बलिदान व्यर्थ जाऊ देणार नाही. ज्या दहशतवादी संघटनांनी हा हल्ला केला आहे. तुम्ही थोडा धीर धरा, आपल्या जवानांवर विश्वास ठेवा, पुलवामाच्या गुन्हेगारांना काही झाले सोडणार नाही, पुलवामाच्या गुन्हेगारांना  कशी, कुठे, शिक्षा द्यायची ते आमचे जवान ठरवती,” असे मोदींनी सभा संबोधित करताना म्हणाले आहे.

पांढरकवडा तालुक्यातील रामदेवबाबा मैदानावर आयोजित मोदींच्या सभेसाठी मोठी गर्दी पाहायला मिळत आहे. या सभेत मोदी म्हणाले की, ” पुलवामा झालेल्या हल्यानंतर संपूर्ण देशभारत संतापाची लाट उसळली आहे. या हल्ल्यात महाराष्ट्रातील २ जवान शहीद झाले आहेत. दहशतवाद्यांविरोधात आम्ही शोध मोहिम हाती घेतली असून मला देशातील भारतीय लष्करावर पूर्ण विश्वास आहे आणि खास करून देशातील सीआरपीएफ जवानांमध्ये जास्त क्रोध आहे. दहशतवाद्यांना कारवाई करण्यासाठी भारतीय जवानांना मी स्वातंत्र्य देण्यात आले आहे.

यंदाच्या बजेटमध्ये शेतकरीबरोबरच गोमांत समाजातील बजारा, श्रमिक समाज आणि शेतमुंजर यांच्यासाठी मोठ्या योजना यांची घोषणा करण्यात आल्या आहेत. पीएम किसान सन्मान निधीच्या नावाने शेकऱ्यांसाठी मदत करणारी योजना आणली आहे. ज्या शेतकऱ्यांना ५ एकरपेक्षा कमी जमिन असेल त्यांच्यासाठी वर्षी ६ हजार रुपये त्यांच्या बँक खात्यात जमा करण्यात येणार आहे.

यावेळी २०१४ मध्ये याच मतदारसंघातील दाभडी गावात ‘चाय पे चर्चा’ कार्यक्रमाला येऊन गेल्याचे मोदींनी आठवण करून दिली आहे. दाभडीला शेतक-यांना दिलेले आश्वासन पूर्ण केल्याचे मोदी यांनी सांगितले. गेल्या साडेचार वर्षात शेकडो योजनांचा शिलान्यास केल्याचे मोदी म्हणाले. आदिवासी मुलांनी एव्हरेस्ट सर केल्याचे सांगितले.

तसेच पंतप्रधान आवास योजने अंतर्गत यवतमाळ जिल्ह्यात तीन हजार घरकुलांचे काम पूर्ण झाले आहे. त्यातील दोन महिलांना प्रातिनिधीक स्वरूपात पंतप्रधान नरेंद्र मोदी यांच्या हस्ते घरकुलाच्या चाबीचे वितरण करण्यात आले. शिवाय गवंडी कामाचे प्रशिक्षण पूर्ण केलेल्या कारागिरांना मोदींच्या हस्ते प्रमाणपत्र वितरण करण्यात आले. यावेळी नागपुरातील अजनी ते पुणे या हमसफर एक्सप्रेसचा शुभारंभ मोदी यांच्या हस्ते हिरवी झेंडी दाखवून करण्यात आला. त्याचे थेट प्रेक्षपण करण्यात आले. बचत गटासाठी भाजपा सरकारने आणलेल्या योजनांची चित्रफित कार्यक्रमस्थळी दाखविली जात आहे.

 

Continue Reading
February 2019
M T W T F S S
« Jan    
 123
45678910
11121314151617
18192021222324
25262728  

महत्वाच्या बातम्या