पुणे | ज्येष्ठ सामाजिक कार्यकर्त्या, अनाथांची माय अशी उपाधी प्राप्त झालेल्या ज्येष्ठ सामाजिक कार्यकर्त्या सिंधुताई सपकाळ यांना महाराणी अहिल्याबाई होळकर नारीशक्ती पुरस्कार जाहीर झाला आहे. १४ ऑक्टोबरला या शानदार सोहळ्यात सिंधुताईंचा या पुरस्काराने गौरव करण्यात येणार आहे. अनाथ मुलांचा सांभाळ करत त्यांच्या जीवनाला दिशा देण्याचे काम सिंधुताई यांनी केले आहे. यासाठी त्यांनी ‘ममता बाल सदन संस्थे’ची स्थापना केली होती.
१९९४ साली पुणे येथील पुरंदर तालुक्यातील कुंभारवळण येथे त्यांनी ही संस्था सुरु केली. या संस्थेच्या मार्फत सिंधुताईंनी अनेक अनाथ आणि बेवारस मुलांना आधार दिला आहे. सिंधुताई सपकाळ यांनी या संस्थेच्या प्रचारासाठी आणि निधी गोळा करण्यासाठी आंतरराष्ट्रीय व्यासपीठावर देखील हजेरी लावली आहे. यासाठी त्यांनी मदर ग्लोबल फाउंडेशन संस्थेची देखील स्थापना केली आहे. सिंधुताईंच्या जीवनावर आधारीत एक सिनेमा देखील आला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
