अमरावती। नांदगाव पेठ स्थानिक ग्रामपंचायत भवनच्या लोकार्पण सोहळ्याला उपस्थित राहणाऱ्या पालकमंत्री यशोमती ठाकूर यांना काळे झेंडे दाखवून त्यांचा कार्यक्रम उधळून लावण्याचा इशारा काल भाजप कार्यकर्त्यांनी दिला. यानंतर पोलीस प्रशासन खडबडून जागे झाले. सकाळपासून पोलिसांनी चार कार्यकर्त्यांना अटक केली असून कार्यक्रमस्थळी सुरक्षा तैनात करण्यात आली आहे. त्यामुळे भाजपचा कार्यक्रम उधळविण्याचा डाव पोलिसांनी हाणून पाडला.
आदिवासी संघटनांनी तीव्र संताप व्यक्त केला
पालकमंत्री यशोमती ठाकूर यांच्या उपस्थितीत सोमवारी ग्रामपंचायत भवनचा लोकार्पण सोहळा आयोजित करण्यात आला होता. मात्र, ग्रामपंचायतने छापलेल्या निमंत्रण पत्रिकेतून खासदार नवनीत राणा, जिल्हा परिषद सदस्य भारती गेडाम आणि पंचायत समिती सभापती संगीता तायडे यांची नावे जाणीवपूर्वक वगळल्याने भाजप कार्यकर्ते, आदिवासी संघटनांनी तीव्र संताप व्यक्त केला. भाजप तालुकाध्यक्ष राजू चिरडे यांनी पालकमंत्री यांना काळे झेंडे दाखवुन कार्यक्रम उधळण्याचा इशारा दिला होता तत्पूर्वी पोलीस प्रशासनाने तत्परता दाखवत सोमवारी सकाळपासूनच भाजप कार्यकर्त्यांची धरपकड सुरू केली.
भाजप च्या वतीने अटकेचा देखील निषेध
यामध्ये भाजप तालुकाध्यक्ष राजू चिरडे, कामगार आघाडी अध्यक्ष सत्यजित राठोड, निलेश रघुवंशी व लक्ष्मण शिंगनजुडे या चार पदाधिकाऱ्यांना अटक करण्यात आली. भाजप च्या वतीने अटकेचा देखील निषेध करण्यात आला असून कार्यक्रमस्थळी पोलिस छावणीचे स्वरूप आले आहे.
यशोमती ठाकूर यांनी दडपशाही करत सत्तेच्या जोरावर…
या घटनेचा निषेध नोंदवत भाजपचे तालुका अध्यक्ष राजू चिरडे म्हणाले की, महिलांनी महिलांचा आदर करण्याऐवजी कार्यक्रम पत्रिकेतून महिला पदाधिकारी यांचे नाव जाणीवपूर्वक वगळण्यात आले. पालकमंत्री यशोमती ठाकूर यांनी दडपशाही करत सत्तेच्या जोरावर कार्यकर्त्यांना अटक करण्यास पोलिसांना भाग पाडले. हा सत्तेचा दुरुपयोग आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
