मुंबई | महिला किंवा मुली दिवसेंदिवस अधिक असुरक्षित होत चालल्या आहेत.मानखुर्द पोलीस ठाण्याच्या हद्दीत असलेल्या कोविड सेंटरमध्ये एका तरुणाने अल्पवयीन मुलीचा विनयभंग केल्याची धक्कादायक घटना उघड झाली आहे. या प्रकारामुळे पुन्हा एकदा कोविड सेंटरमधील महिलांच्या सुरक्षेचा प्रश्न ऐरणीवर आला आहे.
मुंबईतील मानखुर्दमधील कोविड सेंटरमध्ये सॅनिटायझेशनचे काम करणाऱ्या तरुणाने तिथे उपचार घेत असलेल्या एका अल्पवयीन मुलीवर रात्रीच्या सुमारास विनयभंग केला. ही घटना पोलिसांना कळताच पोलिसांनी आरोपी दीपेश साळवे याच्या विरोधात गुन्हा नोंदवून अटक केली आहे. या घटनेवर सरकारने लक्ष द्यावे अशी मागणी भाजप उपाध्यक्षा चित्रा वाघ यांनी केली आहे. तसेच, अल्पवयीन मुलींवर होत असलेल्या बलात्कार आणि अत्याचाराविरोधात सरकार दुर्लक्ष करत आहे का? असा प्रश्नही त्यांनी उपस्थित केला आहे.
राज्यातील विविध भागात कोविड व क्वारंटाईन सेंटर मध्ये उपचारासाठी दाखल महिला/मुलींना विनयभंग,बलात्कारासारख्या गलिच्छ गोष्टींना सामोरं जावं लागतयं. सरकारने स्पष्ट करावं कि महिला मुलींनी उपचारासाठी कोविड/क्वारंटाईन सेंटरला जायचयं कि घरीचं मरायचयं @CMOMaharashtra @BJP4Maharashtra pic.twitter.com/5U1gyfg8IW
— Chitra Kishor Wagh (@ChitraKWagh) September 15, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
