मुंबई | भाजपने वर्धापन दिनाचे औचित्य साधून मुंबईत जोरदार शक्तिप्रदर्शन केले आहे. सुमारे साडेतीन लाख कार्यकर्त्यांसाठी अलिशान शामियाना उभारून भाजपने आपली आर्थिक ताकद तर दाखवून दिली शिवाय, इतर पक्षांना खुजे ठरवण्याचाही प्रयत्न केल्याचे दिसते.
विशेषतः शिवसेनेचा प्रभाव असलेल्या वांद्रा परिसरात हा मेळावा घेऊन भाजपने सर्वप्रथम आपला मित्रपक्ष शिवसेना व उद्धव ठाकरे यांना आव्हान दिले आहे. पक्षाचा जरी मेळावा असला तरी आगामी निवडणुकात दुबळ्या विरोधकांवर मात करण्यासोबत मित्रपक्षाशिवाय पुन्हा सत्ता स्थापन्याची रणनीती या निमित्ताने ठरण्याचे संकेत देण्यात आले.
भाजपच्या विरोधात वातावरण तयार करण्यात विरोधकांना यश येताना दिसू लागताच भाजपने शिवसेनेला गोंजारण्याचे प्रयत्न सुरू केले आहेत. दुसरीकडे शिवसेना स्वबळावर ठाम असल्याने भाजपने वर्धापन दिन मेळाव्यातून जोरदार शक्तिप्रदर्शन करण्यावर भर दिला आहे.
उद्या वेळ आल्यास भाजपला स्वबळावर निवडणुका लढाव्या लागणार आहेत, त्यात पूर्ण बहुमत मिळवण्यासाठी आतापासून भाजपने तयारी चालवली आहे. त्याचाच एक भाग म्हणून राज्यभरातील लाखो कार्यकर्ते मुंबईत आणण्यात आले आहेत.
भाजपच्या शक्तिप्रदर्शनाविषयी विरोधकांच्या प्रतिक्रीया अद्याप आल्या नसल्या तरी त्यावर उद्यापासून टीका होण्यास सुरुवात होईल. तुर्तात पक्षाला उभारी देण्याचे काम भाजप नेत्यांनी पुन्हा एकदा केल्याच्या आजच्या मेळाव्यावरून स्पष्ट होत आहे.
Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
