मुंबई | राष्ट्रवादी काँग्रेसचे नेते छगन भुजबळ यांच्या जामीनावर सुनावणी घेण्यास मुंबई हायकोर्टाने नकार दिला आहे. जामीनासाठी छगन भुजबळ यांना अजून वाट पाहावी लागणार आहे. बे हिशोबी मालमत्ता प्रकरणी तुरुंगवासाची शिक्षा भोगत आहेत. न्यायमूर्ती रेवती मोहिते-डेरे यांनी याचिकाकर्त्यांना दुसऱ्या बेंचसमोर जाण्याचे निर्देश दिले आहेत.
पीएमएलए कोर्टाने भुजबळांचा दुसऱ्यांदा जामीन अर्ज फेटाळला आहे. या निर्णयाला छगन भुजबळ यांच्याकडून हायकोर्टात दाद मागण्यात आली होती. पण, जामीनावर सुनावणी घेण्यास उच्च न्यायालयाने दुसऱ्या बेंचसमोर जाण्याचे निर्देश दिले आहे. त्यामुळे छगन भुजबळ यांच्या अडचणी कमी होताना दिसत नाही.
दिल्लीतील महाराष्ट्र सदन घोटाळा प्रकरणी छगन भुजबळ आणि त्यांचा पुतण्या समीर हे दोघे जण मार्च २०१६ पासून कैदेत आहेत. तेव्हा देखील मुंबई हायकोर्टाने छगन भुजबळ यांची जामीन याचिका फेटाळून लावली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
