मुंबई | राज्यात ३ दिवसांपासून पावसाने थैमान घातलं होतं. अतिवृष्टीमुळे नद्या वाहू लागल्या आणि पाणी नागरिकांच्या घरात जाऊ लागलं. अनेक ठिकाणी दर्दीही कोसळल्या आहेत आणि अनेक लोकांना आपले प्राण गमवावे लागले आहेत. मृत नातेवाईकांना आता मुख्यमंत्री उद्धव ठाकरेंनी प्रत्येकी ५ लाखांची मदत जाहीर केली आहे.
उपचाराचा खर्च सरकारकडून
पुरात ज्यांनी आपला जीव गमावला, त्यांच्या कुटुंबियांना मुख्यमंत्री उद्धव ठाकरेंनी ५ लाखांची मदत करणार आहेत. जे जखमी झाले आहेत त्यांच्या उपचाराचा खर्च सरकार करणार असल्याची माहिती उद्धव ठाकरेंनी दिली आहे. राज्यात दिवसभर दरड कोसळण्याच्या दुर्घटना घडल्या आहेत. मुख्यमंत्र्यांनी घटनास्थळांचा आढावा घेतला आहे. बचाव कार्य सुरु झालं असून लोकांची सुटका करण्यात येत आहे.
अतिवृष्टीमुळे दरड कोसळून झालेल्या दुर्घटनेत मृत्यूमुखी पडलेल्यांच्या वारसांना प्रत्येकी पाच लाख रुपयांची मदत व जखमींच्या उपचाराचा खर्च शासनातर्फे करण्यात येईल, असे मुख्यमंत्री उद्धव बाळासाहेब ठाकरे यांनी जाहीर केले आहे. ही आपत्ती कोसळलेल्या कुटुंबीयांच्या दुःखात आपण सहभागी आहोत.
— CMO Maharashtra (@CMOMaharashtra) July 23, 2021
पंतप्रधानांकडून मदत जाहीर
कोकणात अतिवृष्टीच्या पावसामुळे पूरपरिस्थिती निर्माण झाली आहे. अनेक नेते पीडितांना मदत करत आहेत. पंतप्रधान नरेंद्र मोदी यांनी पंतप्रधानांचा राष्ट्रीय मदत निधी अंतर्गत २ लाखांची मदत जाहीर केली आहे. जखमींना प्रत्येकी ५० हजारांची मदत जाहीर केली आहे. कोकणात ३ दिवस जोरदार पाऊस सुरु आहे, ज्यामुळे पूरपरिस्थिती निर्माण झाली आहे.
बचाव कार्य तैनात
चिपळुणात अडकलेल्या लोकांच्या मदतीसाठी बचाव कार्य तैनात आहे. रेस्क्यू कार्य सुरूही झालेलं आहे. बचाव कार्य व रस्त्यावरील अडथळे काढणे लगेच सुरु करावे अशा सूचना मुख्यमंत्र्यांनी दिल्या. पाणी ओसरलं आहे पण महाड तालुक्यातील डोंगराळ भागात काही ठिकाणी पूल आणि रस्ते वाहून गेले असून बचाव पथकांच्या सहाय्याने नागरिकांना संपर्क करून सुरक्षित स्थळी हलवण्यात यावे असेही मुख्यमंत्री म्हणाले आहेत. माणगाव पाचाड मार्गे महाड रस्ता, माणगाव महाड महामार्ग, गोरेगाव दापोली रस्ता सुरु झाला आहे अशी माहिती यावेळी जिल्हाधिकारी श्रीमती चौधरी यांनी दिली आहे.
संस्थान कडून मदतीचाच हाथ
चिपळुणात पडत असेलल्या पावसामुळे वीज खंडित केली आहे. पुरात अडकलेल्या लोकांना अन्न, पाणी याची सोय नसल्यामुळे माणगाव येथे सुमारे 2000 फुड पॉकेट्स तयार आहेत. सकाळी 10 वाजेपर्यंत अजून 2000 अन्नाची पाकिटे तयार होतील. याबाबत तहसीलदार माणगाव ही पाकिटे गरजू लोकांना वितरणाचे नियोजन करीत आहेत. माणगाव तहसील कार्यालयातून महाडकडे एसटी बसने खाण्यापिण्याचे साहित्य रवाना झाले आहे. स्वयंसेवी संस्थांनी देखील यासंदर्भात महाड येथे प्रशासनाच्या संपर्कात राहावे व कपडे, अन्न याची मदत पोहचवावी, असे आवाहन केल्याचेही जिल्हाधिकारी म्हणाल्या आहेत.
आरोग्य यंत्रणा सज्ज
एकीकडे कोरोनाचं संकट असताना नागरिकांना आता पुराचा सामना करायला लागत आहे. महाड मधील परिस्थितीत कोविड तसेच इतर रुग्णांना असुविधा होऊ नये याची खबरदारी घेण्यास मुख्यमंत्र्यांनी सांगितले. बाटू लोणेरे येथे एक वैद्यकीय पथक सज्ज असून त्यांच्याकडे रुग्णवाहिका व इतर सामुग्री आहे अशी माहिती यावेळी देण्यात आली. एमआयडीसी चे अग्निशामक दल देखील मदत कार्यात उतरले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
