मुंबई | राज्यात कोरोना रुग्णांचा आकडा वाढत चालला आहे. याच संकटाच्या पार्श्वभूमीवर ‘लालबागचा राजा’ सार्वजनिक गणेशोत्सव मंडळाने यंदा गणेशोत्सव साजरा न करण्याचा अत्यंत मोठा निर्णय घेतला आहे. राजाच्या मूर्तीची प्रतिष्ठापना न करता ‘देश हाच देव’ मानून यंदा आरोग्य उत्सव साजरा करणार असल्याचे मंडळाने जाहीर केले आहे. ८६ वर्षांच्या परंपरेला यावर्षी खंड पडणार असला तरी यावेळी हा उत्सव वेगळ्या पद्धतीने साजरा करण्यात येणार आहे.
मंडळाकडून यावर्षी आरोग्यसेवेच्या दृष्टीने महत्त्वाचे उपक्रम हाती घेण्यात येणार आहे. त्यामध्ये रक्तदान आणि प्लाज्मादानचा समावेश आहे. यासाठी मंडळाकडून कॅम्पचे आयोजन करण्यात येणार आहे. मुख्यमंत्री उद्धव ठाकरे यांनी देखील लालबागच्या राजा सार्वजनिक गणेशोत्सव मंडळाने घेतलेल्या ऐतिहासिक निर्णयाचे कौतुक केले आहे.
लालबागचा राजा सार्वजनिक गणेशोत्सव मंडळाने यंदा लालबागचा राजाचा गणेशोत्सव साजरा न करता कोरोनाचा प्रादुर्भाव लक्षात घेऊन आरोग्य उत्सव साजरा करण्याचा निर्णय घेतला आहे. लालबागच्या राजाने जनतेसाठी नेहमीच आदर्श ठेवला आहे. या निर्णयाने राज्याच्या कोरोनाविरुद्धच्या लढ्याला बळ मिळणार आहे, असे ट्विट उद्धव ठाकरेंनी केले आहे.
लालबागचा राजा सार्वजनिक गणेशोत्सव मंडळाने
यंदा लालबागचा राजाचा गणेशोत्सव साजरा न करता कोरोनाचा प्रादुर्भाव लक्षात घेऊन आरोग्य उत्सव साजरा करण्याचा निर्णय घेतला आहे. लालबागच्या राजाने जनतेसाठी नेहमीच आदर्श ठेवला आहे. या निर्णयाने राज्याच्या कोरोनाविरुद्धच्या लढ्याला बळ मिळणार आहे. https://t.co/vjQEwEjdka— CMO Maharashtra (@CMOMaharashtra) July 1, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
