मुंबई । मंत्री आदित्य ठाकरे यांच्या पाठोपाठ आता त्यांच्या आई आणि मुख्यमंत्री उद्धव ठाकरे यांच्या पत्नी रश्मी यांनाही कोरोनाची लागण झाली आहे. काहीच दिवसांपूर्वी मंत्री आदित्य ठाकरे हे कोरोना पॉझिटिव्ह असल्याचे वृत्त समोर आले होते. त्यानंतर, आता रश्मी ठाकरे यांचा देखील कोरोना रिपोर्ट पॉझिटिव्ह आला असून त्या मुख्यमंत्र्यांचे शासकीय निवासस्थान असलेल्या वर्षा बंगल्यावर क्वारंटाईन होणार असल्याची माहिती मिळत आहे.
राज्यातील कोरोनाचा संसर्ग खरंतर गेल्या अनेक दिवसांपासून मोठ्या प्रमाणात वाढला आहे. त्यामुळे निश्चितच राज्य सरकार आणि प्रशासनाच्या चिंतेतही चांगलीच भर पडली आहे. अशा स्थितीत एकीकडे राज्य सरकार अधिक सतर्क झालेले असताना दुसरीकडे कोरोना संसर्ग थेट मुख्यमंत्र्यांच्या कुटुंबापर्यंत पोहोचला आहे. मुख्यमंत्री उद्धव ठाकरे यांचे पुत्र मंत्री आदित्य ठाकरे यांच्यानंतर आता रश्मी ठाकरेंना कोरोनाची लागण झाल्याने चिंता वाढली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
