भंडारा | काँग्रेसचे नवनिर्वाचित अध्यक्ष नाना पटोले आज(१८ फेब्रुवारी) अध्यक्ष पद स्विकारल्यानंतर प्रथमच भंडारा जिल्ह्याच्या दौऱ्यावर आहेत. आज त्यांचं अध्यक्ष झाल्यानंतर जिल्ह्यात जंगी स्वागत करण्यात आलं. यावेळी दिल्ली येथील शेतकरी आंदोलनाच्या समर्थनात आज नाना पटोले यांच्या नेतृत्वात लाखनी ते भंडारा ट्रॅक्टर मार्च सह पदयात्रा याचे आयोजन करण्यात आले होते.
यावेळी त्यांनी महाराष्ट्रात अमिताभ बच्चन व अक्षय कुमारचे पिक्चर चालणार नाही व शूटिंग व देखील बंद पाडू असा इशारा दिला आहे. पेट्रोल डिझेलची दरवाढ, गॅसची दरवाढ यामुळे सामान्य माणसाचं जगणं मुश्किल झालेलं आहे. आम्ही कालही सांगितलं ज्यावेळी मनमोहन सिंह यांचं सरकार होतं. त्यावेळेस अभिताभ बच्चन असतील, अक्षय कुमार असेल हे टिवटिव करायचे. ट्विटच्या माध्यमातून टीका करायचे. आज ते गप्प का आहेत? महाराष्ट्रामध्ये अभिताभ बच्चन आणि अक्षय कुमार यांचा पिक्चर आणि शुटींग महाराष्ट्रात चालू देणार नाही. असा इशारा नाना पटोले यांनी दिला आहे.
गांधी भवन येथे पत्रकार परिषदेला संबोधित करताना नाना पटोले यांनी इंधन दरवाढीवरून मोदी सरकारवर टीकास्त्र सोडलं. त्याचवेळी अमिताभ बच्चन आणि अक्षय कुमार यांच्यावरही टीका केली. यूपीएचे सरकार लोकशाही मार्गाने चालणारे सरकार होते. त्यावेळी 70 रुपये लिटर पेट्रोल झाले तेव्हा अभिनेते अमिताभ बच्चन, अक्षयकुमार आणि इतर सेलिब्रिटींनी त्या इंधन दरवाढीविरोधात ट्विट करून संताप व्यक्त केला होता.
आता पेट्रोलने शंभरी गाठली असतानाही अमिताभ बच्चन, अक्षयकुमारसह एकाही सेलिब्रिटीने त्याविरोधात ट्विट का केले नाही, ते आता गप्प का आहेत? मोदी सरकारच्या हुकूमशाही विरोधात बोलण्याची त्यांची हिंमत होत नाही का? असा सवाल नाना पटोले यांनी उपस्थित केला होता. मोदी सरकारने इंधन व गॅस दरवाढ तात्काळ कमी करून सामान्य जनतेला दिलासा द्यावा, अशी मागणीही त्यांनी केली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
