मुंबई | देशात कोरोना प्रतिबंधात्मक लसीकरणात महाराष्ट्र सातत्याने प्रथम क्रमांकावर असून आज(११ एप्रिल) राज्याने त्यात विक्रमी नोंद केली असून आतापर्यंत सुमारे १ कोटीहून अधिक नागरिकांना लस देण्यात आली आहे. आतापर्यंत १ कोटी ३८ हजार ४२१ जणांना लस देण्यात आली असून सायंकाळपर्यंत या आकडेवारीत अजून वाढ होईल, असे आरोग्य विभागाचे प्रधान सचिव डॉ. प्रदीप व्यास यांनी सांगितले. याविक्रमी कामगिरीबद्दल मुख्यमंत्री उद्धव ठाकरे, आरोग्यमंत्री राजेश टोपे यांनी यंत्रणेचे कौतुक केले आहे.
देशात कोरोनाने आपलं रौद्र रुपधारण केलं आहे. आज (११ एप्रिल) देशभरात १ लाख ५० हजारांपेक्षा जास्त कोरोना रुग्ण आढळले आहेत. एका दिवसात आत्तापर्यंतची ही सर्वाधिक संख्या आहे. तर मृत्यूची संख्याही वाढत आहे ही चिंतेची बाब ठरत आहे. यामुळे प्रशासनाने लसीकरणाची गती वाढवली आहे. आज दिवसात कोविड-१९ चे लसीकरण ९.८० कोटी पेक्षा जास्त झाले आहे. तसेच, आजपासून १४ एप्रिलपर्यंत लस उत्सव मोदींनी साजरा करण्याचे आवाहन जनेतला केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
