मुंबई | भाजपचे नेते विजयसिंह मोहिते पाटील यांचे पुतणे धवलसिंह मोहिते पाटील यांनी आज (२८ जानेवारी) काँग्रेसमध्ये प्रवेश केला आहे. धवलसिंह मोहिते पाटील हे माजी सहकारमंत्री स्व. प्रतापसिंह मोहिते पाटील यांचे पूत्र आहेत. काँग्रेस प्रदेशाध्यक्ष बाळासाहेब थोरात यांच्या उपस्थितीत धवलसिंह मोहिते पाटील यांनी काँग्रेसमध्ये प्रवेश केला. मुंबईतील टिळक भवन येथे हा कार्यक्रम पार पडला. यावेळी काँग्रेस नेते सुशीलकुमार शिंदे, धीरज देशमुख हे नेते उपस्थित होते.
काँग्रेसचे विचार कधी संपणार नाही – धीरज देशमुख
धवलसिंह मोहिते पाटील यांच्या पक्षप्रवेशावेळी काँग्रेस नेते धीरज देशमुख यांना वडील आणि माजी मुख्यमंत्री तसेच काँग्रेसचे ज्येष्ठ नेते विलासराव देशमुख यांची आठवण आली. “काँग्रेसचे विचार कधी संपणार नाही, असे विलासराव नेहमी म्हणत होते. भलेभले संपणार पण कॉंग्रेस संपणार नाही, असे विलासराव देशमुख नेहमी सांगायचे. धवलसिंह मोहित पाटील यांच्याकडून कॉंग्रेसला बळ मिळणार आहे. सोलापूरमध्ये कॉंग्रेसची ताकद वाढणार आहे. धवलसिंह यांनी ज्याप्रमाणे बिबट्याची शिकार केले,त्याचप्रकारे ते भाजपची शिकार करतील,” अशी प्रतिक्रिया धीरज देशमुख यांनी दिली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
