जळगाव | आज (२१ ऑक्टोबर) भाजपचे ज्येष्ठ नेते एकनाथ खडसे यांनी भाजपला सोडचिठ्ठी देत राष्ट्रवादी प्रवेश करणार अशी अधिकृत घोषणा केली आहे. यावेळी बोलताना त्यांनी आतापर्यंतची होणारी खदखद व्यक्त केली आहे. भाजपवर कोणताही रोष नसून मी मुख्यमंत्र्यांमुळे पक्ष सोडत आहे असं गंभीर वक्तव्य एकनाथ खडसे यांनी केले आहे. यावेळी त्यांनी अनेक महत्त्वाच्या मुद्द्यांवर भाष्य केलं. पाहूयात खडसे यांच्या पत्रकार परिषदेतील १० महत्त्वाचे मुद्दे…
१- भाजप उपेक्षित होतं, अशा कालखंडापासून आजपर्यंत मी भाजपचं काम प्रामाणिकपणे केलं. भाजपबद्दल मला रोष नाही. बहुजन समाजाचा मुख्यमंत्री असला पाहिजे त्यानंतर जे काही घडले ते महाराष्ट्राला माहिती आहे.
२- माझी अनेक वेळा चौकशी झाली. खोटे आरोप करण्यात आले. विनयभंगाचा आरोप केला. फडणवीसांनी स्वत गुन्हा नोंद करायला सांगितले.
३- छळ किती करावा याला मर्यादा नव्हत्या तरी मी ते सहन केले. माझा दावा आहे, की माझं रेकॉर्ड काढा. राष्ट्रवादी किंवा काँग्रेस आणि शिवसेनेनेही माझ्या राजीनाम्याची मागणी केली नाही. जर असं झालं असेल तर मी राजकारण सोडेन.
४- मला चौकशीचा त्रास झाला. यापेक्षा मरणयातना चांगल्या आहेत. देवेंद्र फडणवीसांनी मला नाईलाजांनी सांगितले, असे सांगितले.
५- फडणवीसांनी खालच्या स्तरावर राजकारण केलं
६- मी जे काही मिळवलं ते माझ्या हिंमतीवर मिळवलं
७- माझ्या अनेक चौकश्या झाल्या, भूखंड हडप करण्याचे आरोप झाले, माझ्यावर खोट्या विनयभंगाचा खटलादेखील दाखल करण्यात आला. उद्या उठून बलात्काराचाही गुन्हा दाखल केला असता.
८- देवेंद्र फडणवीस स्वत: पोलीस स्टेशनला फोन केला आणि गुन्हा नोंद करायला सांगितलं.
९- पक्ष सोडू नये म्हणून चंद्रकांत पाटलांशिवाय कुणाकडूनही मनधरणी नाही
१०- आयुष्यात मला काय मिळालं नाही मिळालं याचं दु:ख नाही. पण मनस्ताप झाला याचं जास्त दु:ख आहे. मी जे काही पद मिळवलं ते माझ्या ताकदीवर झालं आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
