मुंबई | कर्मचाऱ्यांवर अन्याय होणार नाही, मात्र बेशिस्तपणा खपवून घेणार नाही, असा इशारा राज्याचे परिवहन मंत्री अनिल परब यांनी एसटी कर्मचाऱ्यांना दिला आहे. एसटी कर्मचाऱ्यांनी उद्या कामावर परत या, असे पुन्हा एकदा आवाहन परबांनी केले आहे. येत्या एक ते दोन दिवसात एसटी बस सेवा सुरू होईल, असे आश्वासन परबांनी राज्यातील जनतेला आज (२६ नोव्हेंबर) प्रसार माध्यमांशी बोलताना केले आहे.
एसटी कर्मचाऱ्यांच्या संपावर तोडगा काढण्यासाठी राज्य सरकारने त्यांना घसघशीत पगार वाढ दिली आहे. मग आता एसटी कर्मचाऱ्यांनी संप मागे घ्या. तसेच कामगारांवर अन्याय होणार नाही, यांची देखील काळजी घेतली जाईल, असेही परब म्हणाले. परबांसोबत स्टेट ट्रान्सपोर्ट संघटना, इंटक, कामगार सेना आणि कास्ट ट्राईभ संघटनेचे पदाधिका-यासोबत बैठक झाली. या बैठकीत एसटी कर्मचाऱ्यांना सातवा वेतन आयोग लागू करा, अशी मागणी त्यांच्याकडून करण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
