नाशिक | युवा सेनेचे अध्यक्ष आदित्य ठाकरे यांच्या गाडीला रस्त्यावरच्या खड्ड्यांचा फटका बसला आहे. दोन दिवसांच्या दौऱ्यासाठी नाशिकला जात असलेल्या आदित्य ठाकरे यांच्या आलिशान रेंजरोव्हर गाडीचे टायर घोटीजवळ आल्यानंतर फुटल्याची घटना घडली आहे. त्यामुळे दुसऱ्या गाडीने त्यांना हॉटेलला पोहोचावे लागल्याची माहिती प्राप्त झाली आहे.
मुंबई-नाशिक रस्त्यावरील घोटीजवळील पाडळी गावात ही घटना घडली. पाडळीच्या रस्त्यावर खूप मोठे खड्डे आहेत. या खड्ड्यांमधून जाताना त्यांच्या गाडीचे टायर फुटल्याचे सांगितले जात आहे. खड्ड्यांचा त्रास तुम्हा-आम्हाला नवीन नाही. पण जेव्हा आदित्य ठाकरेंसारख्या राजकीय नेत्याच्या गाडीचे टायर मध्यरात्री फुटते, तेव्हा मात्र सोबतच्या सुरक्षा यंत्रणांची तारांबळ उडते.
या घटनेनंतर दुसऱ्या गाडीने आदित्य ठाकरे मुक्कामासाठी हॉटेलवर पोहोचले. त्यानंतर टायर फुटलेली गाडी टोईंग करुन नाशिकमध्ये आणली गेली आणि दोन्ही टायर बदलण्यात आले.
दरम्यान, आदित्य ठाकरे यांच्या गाडीचं टायर फुटण्याची घटना ज्या घोटी परिसरात घडली, त्याच परिसरातील दुसऱ्या रस्त्यांची खूपच दुर्दशा झाली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
